(اسلامي عقاید؛ د ماشومانو ډېوه (پنځلسمه برخه

لیکوال: ابو جریر

(اسلامي عقاید؛ د ماشومانو ډېوه (پنځلسمه برخه

پوښتنه: په پای کې څه ډول ټول کائنات نابود کیږي؟

ځواب: (نفخ یا صور) چې په لسو آیاتونو کې راغلی ده، له جملې یې په سورة حاقه کې فرمایي: ( فَإِذَا نُفِخَ فِي الصُّورِ نَفْخَةٌ وَاحِدَةٌ * وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً (الحاقة (14 او 13)

ژباړه: کله چې یو وار په صور کې پوف ووهل شي، ځمکه او غرونه له ځای پورته کړل شي او یو ځل په خپلو کې سره ووهل شي او منحل شي.

پوښتنه: دویم صور چې ټول عالم هلته ژوندی کیږي څه نومیږي؟

ځواب: (صیحه) چې په څلورو آیاتونو کې وارد شوې ده، له جملې یې په سورة «ق» ۴۲ آیت کې فرمایي:

يَوْمَ يَسْمَعُونَ الصَّيْحَةَ بِالْحَقِّ ۚ ذَٰلِكَ يَوْمُ الْخُرُوجِ.

ژباړه: هغه ورځ چې ټول صیحه (ډارونکی غږ) د قیامت په حق سره اوري هغه ورځ د خروج ورځ ده.

ب: «نقر في الناقور»:  فَاِذَا نُقِرَ فِي النَّاقُوْرِ*  فَذَٰلِكَ يَوْمَئِذٍ يَوْمٌ عَسِيرٌ. (المدثر ۸او۹)

ژباړه: کله چې په صور (شپیلۍ) کې پو (پُف) کړل کیږي هغه ورځ ډېره سخته ورځ ده.

ج: (صاخّه): ( فَإِذَا جَاءَتِ الصَّاخَّةُ * يَوْمَ يَفِرُّ الْمَرْءُ مِنْ أَخِيهِ ) (عبس: آیة 34و33)

ژباړه: کله چې هغه د قیامت ډارونکی غږ راشي. (کافران په عمیق خپګان کې ننوځي) په هغه ورځ کې چې انسان له خپل ورور نه تیښته کوي.

د: «قارعه» الْقَارِعَةُ * مَا الْقَارِعَةُ * وَ مَا اَدْرَاکَ مَا الْقَارِعَةُ *

يَوْمَ يَكُونُ النَّاسُ كَالْفَرَاشِ الْمَبْثُوثِ *  (القارعة ۱ تر ۴)

ژباړه: هغه ټکونکې حادثه، او څه ده هغه ټکونکې حادثه، او ته څه پوهیږي چې هغه ټکونکې حادثه څه ده، هغه ورځ چې خلګ لکه کمپلی (پروانه) هر لوري ته منډي وهي.

ه: «زجره»: فَاِنَّمَا هي زَجْرَةٌ وَاحِدَةٌ فَاِذَا هُمْ یُنْظَرُونَ. ژباړه: تنها یوه لویه صیحه واقع کیږي، ناڅاپه (ټول له قبرونو را پورته کیږي) او ګوري. (د دې مشابه د سورت نازعات ۱۳او۱۴ آیت کې).

د صور (شپېلۍ) څه رنګوالی او کیفیت: صور په لغت کې شپیلی یا ښکر ته وایي (چې په تیرو وختونو کې یې د حیوان ښکر یا شاخ خالي کاوه او د شپیلۍ په ډول یې جوړاوه، د هغې له لوري یې پوف کول بل لوري به یې لوړ غږ کاوه). پرته له شک فوق العاده لوړ غږ چې په معمولي شپېلیو کې موجود دی، د دې لپاره دی چې د هغې پېچومي څو واره سره تاو راتاو کیږي، او د لولي د تنګ والي په سبب غږیز امواج د انفجار حالت پیدا کوي او غږ شدید کیږي.

پوښتنه: وروسته له دې چیري ځو ورستۍ مرحله په څه نوم یادیږي؟

ځواب: له دې وروستۍ مرحله د بعث په نوم یادیږي. الله تعالیٰ ﷻ فرمایلي دي: ثَمَ اِنَّکُمْ یَوْمَ الْقِیَامَةِ تُبْعَثُوْنَ (المؤمنون/۱۶)

ژباړه: وروسته د قیامت په ورځ راپورته کیږئ.

پوښتنه: ولي دي ورځې ته قیامت وایې؟

ځواب: يَوْمَ يَقُومُ النَّاسُ لِرَبِّ الْعَالَمِينَ. (المطففين 6)

ژباړه: هغه ورځ چې خلګ د پروردګار په حضور کې یعني د خپلو اعمالو د ځواب ویلو لپاره  دریږي.

پوښتنه: د حشر په میدان کې به څو ورځې یو؟

ځواب: تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ (المعارج/۴)

ملایکې او جبرائیل د هغه په لور وزرونه غوړوي او پورته ځي چې پنځوس زره کالو په اندازه یې وخت ده. دا راز د سجدې سورت ۵ آیت او د حج سورت ۴۷ آیت…

له دې ټولو معلومیږي چې د قیامت مدت زرګونه کلونه دی.