لیکوال: میا نور اَغا
ابراهیمي ملت (برخه: ۱)
بسم الله الرحمن الرحیم
الحمد لله الذي خلق آدم من طین ثم جعله خلیفة و ابا وبعث النوح قامع الشرك و رسولا و صیر ابراهیم باني الملة البیضاء و خلیلا و الصلوة و السلام علی من جعل شریعته ناسخا و کاملا و به وصلت الملة الابراهیمیة اقصی الذروة تماما و علی آله و اصحابه الذین صاروا باتباعه کراما. و بعد!
لکه څنګه چې ټول انسانیت په دې متفق دی چې آدم علیه السلام د انسانانو پلار (اب البشر) دی، بالخصوص د سماوي ملتونو په دې اجماع ده، غیر له یوې وړې ډلې نه، چې هغوی په خپلو تخیلاتو کې متحیر دي، چې په خپله هم ګمراهان دي او نور هم په ګمراهۍ اخته کوي د (ضلوا و اضلوا) مصداق ګرځېدلې دي.
همدارنګه ټول سماوي ادیان د ابراهیم علیه السلام په نبوت او رسالت متحد او متفق دي تر دې، چې ټول یې د اتباع او تابعدارۍ دعوه لري.
ابراهیم علیه السلام له لویو (اولوالعزم) پیغمبرانو څخه دی، له ده څخه وروسته ټول انبیاء علیهم السلام د ده اولاده دي، مسلمانان، یهود، نصارا، د عربو مشرکین ټول د ابراهیمي ملت دعوه لري، ټول ځانونو ته ابراهیمین وایي.
قرآن هم مسلمانانو ته د ابراهیمي ملت په اتباع امر کړی دی:
ثُمَّ أَوْحَيْنَا إِلَيْكَ أَنِ اتَّبِعْ مِلَّةَ إِبْرَاهِيمَ حَنِيفًا وَمَا كَانَ مِنَ الْمُشْرِكِينَ.[1]
ژباړه: وروسته موږ تاته وحي وکړه، چې د ابراهیم د ملت اتباع وکړه، هغه چې پر حق مستقیم دی او ابراهیم له مشرکینو څخه نه دی.
له ابراهیم علیه السلام پرته پر بل یوه پیغمبر هم داسې د متعددو دینونو اتباع کوونکې نه دې راجمع شوې چې ټول یې له خپلمنځي اختلافاتو سره بیا هم د تابعدارۍ دعوه کوي، همداسې رسول الله صلی الله علیه وسلم د ابراهیمي ملت اکمال او تعمیم کړی، ابراهیمي ملت یې یو عالمي ملت وګرځوی، دا ټول د ابراهیم علیه السلام خصوصیات دي، چې د ده په شان او عظمت دلالت کوي.
له دې امله چې د ابراهیمي ملت و ضاحت وشي تر څو د دې ملت باني، مُکَمِّل، مرکز، قانون او نظام تشریح شي، له دې سره هغه دینونه او مذهبونه، چې د ابراهیمیت دعوه لري په پوره توګه واضح شي چې حق ابراهیمين څوک دي؟ د ابراهیم علیه السلام اصول په چا کې موجود دي؟ او څوک د ابراهیم علیه السلام په نقش او قدم روان دي؟.
همدارنګه څوک چې د ابراهیمیت دعوه لري خامخا د هغه د مرکز دعوه هم کوي تر دې چې یهود خپلو ماشومانو ته دا درس ورکوي چې د نیل او فرات تر منځ ځمکه (جزیرة العرب) زموږ ده، بیا ضروري ده چې د مرکز حدود احکام او له نورې ځمکې سره یې تفاوت ښکاره شي، دا او د دې اړوند مسائل مو په دې کتاب کې سره یوځای کړي دي او د دې کتاب موضوع مو ملت ابراهیم ګرځولې ده.
له دې سره اهل کتاب د ابراهیمیت مسأله په شد او مد سره ذکر کوي په دې موضوع اجتماعات، غونډې او خلکو ته معلوماتي برنامې او پروګرامونه جوړوي، دوی دا مسأله جدي ګڼي خپله فلسفه او غرضونه ورپوري تړي، خو بدبختانه موږ له نورو کمزوریو سره په دې حساسه مسأله کې هم ویده یو.
دا دې واضحه وي چې په نن عصر کې د مسلمانانو او ملت ابراهیم مرکز جزیرة العرب په غیر مستقیم ډول د صلیب او صیهونیزم له سلطې لاندې دی، هلته د دوی نظامي او حربي قواوې شتون لري، مهمې او استراتیژیکې نقطې یې په کنټرول کې دي، برای نام ملوک د دوی د منافعو محافظین دي، د مسلمانانو د غلام کولو لپاره آله یې کار ګرځېدلې دي، دوی لوی لوی اقتصادي شرکتونه لري، له دې سره یې د فحشاء او بې دینۍ لپاره په لويه پیمانه اسباب او زرائع تیار کړي چې شپه او ورځ د مسلمانانو مادي او معنوي قوت زبیښي، تر دې چې د دغو بدبختیو لپاره یې د ملوکو شاهزاده ګان په ګمراهۍ او غلام ذهنیت روزلې ترڅو منحوس اغراض په اسانه او دائمه توګه تر لاسه کړي . په نژدې وخت کې په جزیرة العرب کې د مندر او کلیساوو جوړېدل ډېر زورونکې دي، بالخصوص د مسجد او کلیسا ودانۍ سره یوځای کولو او د پاپ په مشرۍ یې په متحده عرب اماراتو کې افتتاح کېدلو تر شا لویه منفوره د مداهنت او وحدة الادیان فلسفه کار فرما ده چې سرچشمه یې یهود جمع شیعه ګان او په اصطلاح خادمان عرب ملوک دي، غواړي چې له کامل او ناسخ دین څخه ګډ اچار جوړ کړي، څه برخه یې له یهودیت، څه له نصرانیت او څه له نورو مذاهبو له اسلامي احکامو سره ګډ کړي.
انا لله و انا الیه راجعون!
دغه مسائل مو په دې کتاب کې رانغښتې دي، کتاب له خطبې وروسته په یوه مقدمه دوه فصلونو او یوه خاتمه مشتمل دی، تر څو دغه غم او درد له ابراهیمي ملت سره شریک شي، دوی ته د موضوع د حساسیت په باره کې معلومات ورکړل شي، د مرکز د تحریر لپاره ذهن سازي کول د کتاب له مهمو اهدافو څخه دي.
الله جل جلاله دې د تکميل توفیق راکړي! الله جل جلاله دې دا عمل قبول، د خپلې رضا سبب او ابراهیمي ملت ته د نفعې مصدر وګرځوي!
و ما توفیقي الا بالله علیه توکلت و الیه انیب، حسبنا الله و نعم الوکیل، نعم المولی و نعم النصیر!
ادامه لري…
سرچینې:
[1] سورالنحل، آیه ۱۲۳.