قرآن؛ تلپاتې معجزه (پنځمه برخه)

لیکوال: مفتي نورمحمد محبي

قرآن؛ تلپاتې معجزه

پنځمه برخه

د قراني اعجاز ډولونه

قرآن کریم نه یوازې د انسانانو د هدایت لپاره یو الهي کتاب دی، بلکې د بشر د تاریخ له تر ټولو سترو معجزو څخه هم شمېرل کېږي. له نازلېدلو وروسته یې بیا تر ننه، متفکرانو، متکلمانو، ادیبانو او د بېلابېلو علومو پوهانو د قرآن پر بېلابېلو اعجازي اړخونو غور کړی دی. د قرآن له حیرانوونکو ځانګړتیاوو څخه یوه دا ده، چې د اعجاز ډولونه یې ډېر او مختلف دي؛ داسې چې په هر پېر کې یې د اعجاز یوه ځانګړې بڼه راڅرګندېږي او په وروستیو دورو کې لا ډېر اعجازونه کشف او پېژندل شوې دي.

دلته به یوازې د ډېرو مشهورو اعجازونو له ډلې د څلوېښتو هغو لیست راوړو، چې د هر یوه شرحه به یې په راتلونکو څپرکیو کې وشي. ان شاء الله

• بیاني اعجاز بل(اغت، فصاحت او بې مثاله سبک)

• لفظي اعجاز (د کلماتو ځانګړی ترتیب او موزون نظم)

• نحوي اعجاز (د عربي ژبې ځانګړی ترکیب او خاصه ځانګړنه)

• ادبي اعجاز ( استعارې، تشبیهې او سجعې)

• علمي اعجاز ( د عصر له طبیعي او حیاتي علومو سره یې توافق)

• عددي اعجاز ( په کلماتو، ایاتونو او مفاهیمو کې ریاضیکي نظم)

• تاریخي اعجاز ( د تېرو نبیانو او قومونو د تاریخ په بیان کې دقت)

• غیبي اعجاز ( د راتلونکي پېښو وړاندوېینه، چې محققې شوې)

• تشریعي اعجاز (د فرد او ټولنې لپاره جامع او عادلانه قوانین)

• رواني اعجاز (د انسان په زړه او روان ژور تاثیر)

• تربیتي اعجاز ( د اخلاقو سمون او د نفس  تزکیه)

• فلسفي اعجاز (د هستۍ د مهمو پوښتنو ځوابونه)

• کلامي اعجاز (د الهي صفاتو او افعالو دقیق بیان)

• عرفاني اعجاز (د توحیدي او شهودي معرفت انعکاس)

• معنوي اعجاز (د زړونو هدایت، آرامتیا او بصیرت)

• جوړښتیز اعجاز (د سورتونو او آیتونو منسجم جوړښت)

• تصویري اعجاز (په ژبه باندې د صحنو ژوندي انځورونه ورکول)

• صوتي یا غږیز اعجاز (خوندور غږ، نغمه او د تلاوت تاثیر)

• ژبنیز اعجاز (ژور معنايي ځواک او څو اړخیزه استعمال)

• د ننګونې اعجاز (ادبي مقابلې ته بلنه او د بشر ناتواني)

• اخلاقي اعجاز (د غوره اخلاقو اصولو وړاندې کول)

• ټولنیز اعجاز (د ټولنیز نظم او عدالت بنسټونه)

• اقتصادي اعجاز (عادلانه او متوازن مالي احکام)

• سیاسي اعجاز (د عادلانه حکومتدارۍ اصول)

• طبي اعجاز (د ژوند او صحت حقایقو ته اشارې)

• چاپېریالي اعجاز (طبیعي تعادل ته دعوت او ساتنه)

• روان پوهنیز اعجاز (د انسان د نفس ژوره پېژندنه)

• ماوراء الطبیعت اعجاز (د غیبي نړۍ – روح او برزخ بیان او توضیح)

• اسمي اعجاز (د الهي نومونو نظم او موخیزه کارونه)

• زماني اعجاز (د هرې زمانې لپاره تازه او ژور پیغام)

• فرهنګي اعجاز (د ناسمو دودونو اصلاح او بدلون)

• تمدني اعجاز (پر توحید د نوي تمدن بنسټ اېښودنه)

• په مقطعاتو کې اعجاز (رمزي حروف او پټ اسرار)

• د ایاتونو د هدفمند تکرار اعجاز (تاکید، تربیه او ژورتیا)

• د خطابونو اعجاز (مختلفو ډلو ته ځانګړی خطاب)

• د نزول او تدوین اعجاز (دوه بېل نظمونه له ځانګړو هدفونو سره)

• د پیغمبرانو د معجزو روایت (د تاثیر او عبرت لپاره ځانګړی بیان)

• فلکي اعجاز (د آسماني حرکتونو او ستوریز نظم بیان)

• ځمکپېژنیز اعجاز (د غرونو، طبقو او زلزلو یادونه)

• ژوند پوهنیز اعجاز (د نباتاتو، حیواناتو، وده او د القاح بیان)

دوام لري…

مخکنۍ برخه | وروستۍ برخه