ټولنې هر وګړی، د ټولنې د غړي په توګه، باید د هغه ژوند، مال، ناموس، عزت او هویت خوندي او محفوظ وي. په تېرو برخو کې د “فردي او ټولنیز” امنیت دوه مهم ډولونه بیان شول. لیکوالانو او څېړونکو د امنیت لپاره نور ډولونه هم ذکر کړي دي؛ په دې برخه کې غواړو چې دا ډولونه په تفصیل سره تشریح کړو.
اسلام د هر انسان د ژوند، مال، ناموس او کرامت د ساتلو لپاره د ژوند د بېلابېلو ابعادو او اړخونو په درناوي غوره طریقې بیان کړې دي. دا داسې دین دی چې نه یوازې د آخرت لپاره، بلکې د انسان د دنیا، هوساینې، سکون او سلامتۍ لپاره هم بېلابېل پلانونه لري. د انسان ژوند په نړۍ کې بېلابېل اړخونه لري، او په هر اړخ کې امنیت او سکون ته اړتیا شته. له همدې امله شخصي امنیت په څو ډوله وېشل کېدای شي:
۱) د نفس او ځان امنیت
د ځان او نفس امنیت هغه حالت ته ویل کېږي چې انسان د مصیبتونو او سختیو په وخت کې په ډاډ او اطمینان کې وي، داسې چې د زیات اضطراب او بېصبرۍ اغیزې په هغه کې ښکاره نه شي او حالت یې مضطرب او خراب نه شي. د نفس امنیت د یو مسلمان په ژوند کې خورا مهم او حیاتي دی؛ ځکه دا ډول امنیت د دې لامل ګرځي چې د انسان اسلامي شخصیت وده وکړي او د خدای فضل او معیت لاسته راوړي.
۲) د اموالو او املاکو امنیت
د امنیت یو له مهمو ډولونو څخه د هیواد د ملکیتونو امنیت دی. خلک باید په دې برخه کې د ګواښ احساس ونه کړي، ځکه که څوک په دې برخه کې د خطر احساس وکړي، نو هېڅکله به ځان ته اجازه ورنه کړي چې په هغه ښار یا هېواد کې چې ژوند کوي پانګونه وکړي؛ بلکې د هغه هېواد یا ښار څخه د وتلو لپاره به ډېرې پیسې هم ولګوي. په داسې حال کې دا ډول ټولنه له رکود او ستونزو سره مخ کېږي او د ستونزو، فقر او بېوزلۍ په صورت کې خلک ناامنه کېږي او د نورو خلکو شتمنۍ لوټېږي.
۳) د عزت، ناموس او انساني کرامت امنیت
د اسلام د نازل شويو لارښوونو له مخې د انسان د شخصیت او کرامت ساتنه د ټولنې تر ټولو مهمه خبره ده؛ له همدې امله د ټولنې د خلکو د اخلاقي امنیت او شخصیت تامینول په اسلام کې ځای پر ځای شوي او د علمي، شرعي او اخلاقي کارونو په بڼه ورته پاملرنه شوې ده.
۴) د انسان د شخصیت او مقام امنیت
اسلام هر مسلمان ته ځانګړې پاملرنه کوي او د هغه ټول حقوق خوندي او محفوظ کوي. هېڅوک نشي کولای بل چا ته زیان ورسوي، یا د هغه شخصیت خراب کړي، یا د هغه وقار او مقام ته زیان ورسوي، یا د هغه د ناامنۍ اسباب برابر کړي.
By محمد فاتح