په اسلام کې د امنيت ارزښت (ديارلسمه برخه)

لیکوال: ابو عائشه

په اسلام کې د امنيت ارزښت (ديارلسمه برخه)

روڼوالی: د هرې ټولنې لپاره یو له اړینو شیانو څخه ټولنیز امنیت دی. تر څو چې په ټولنه کې امنیت نه وي، ټولنه به له ګڼو ستونزو سره مخ وي. په تېره برخه کې د امنیت لومړی ډول (شخصي امنیت) تشریح شو، په دې برخه کې د امنیت دویم ډول (ټولنیز امنیت) څېړو.

ټولنیز امنیت

ټولنیز امنیت هغه امنيت دی چې خلک او دولت یې په برابرولو کې سره شریک دي. لکه څنګه چې د وخت په تېرېدو سره دولت او ټولنه له یو بل څخه نه بېلېږي، په امنيت کې هم همدغسې دي.
ټولنیز امنیت په هر ټولنیز نظام کې د هر اړخیز امنیت یو له بنسټیزو شاخصونو څخه دی، چې د ټولنې په کچه د هغې د دوامدار پرمختګ، د ټولنیز نظم د خپلواکۍ او ثبات له لارې پیاوړی کیږي. په حقیقت کې، د امنیت روښانه مثالونه د اتباعو د باورونو ساتل او درناوی، ټولنیز یووالي، په ټولنه کې اجتماعي نظم، د هوساینې او ټولنیز اسانتیاوې چمتو کول، د اغېزمنو ټولنیزو او کلتوري پالیسیو پلي کول، د امنیت او ټولنیز احساس څخه د خوند اخیستلو لپاره د اړینو شرایطو رامنځته کول، د وګړو تر منځ رواني سوله، د ژوند د مطلوبو کچو لاسته راوړل، د ټولنیز نظام په تصمیم نیولو کې د وګړو د باثباته او باخبره ګډون لپاره زمينه برابرول، د کلتوري یووالي او ټولنیز پیوستون بنسټونه ټینګول، او د ټولنیزې پانګې د شاخصونو استمرار او نور. دا قضیې کولای شي د ټولنیز واقعیت په توګه په هره ټولنه کې د دوامدار پرمختګ او ټولنیز امنیت ترمنځ اړیکه و ارزوي.
ټولنیز امنیت د ملي امنیت یو له مهمو برخو څخه دی، چې د اعتیاد نشتوالی، د جرمونو کمښت، او د روغتیا ښه والی د فکتورونو لخوا اغیزمن کیږي. ټولنیز امنیت د فکري آرامتيا په معنی ده چې هره ټولنه مکلفه ده چې د خپلو غړو لپاره چمتو کړي.

ادامه لري…