لیکوال: شکران "احمدي"
په یوه جامع او لنډ حدیث کې رسول الله صلی الله علیه وسلم ځینې خصلتونه بیان کړي چې د شخصي حفظ الصحې له اساسي ټکو څخه دي او د هغو د مراعتولو امر یې کړی او هغه یې د پیغمبرانو د سنتو او عاداتو څخه بللي دي: «وعن عائشة رضیاللهعنها قالت: قال رسول الله صلیاللهعلیهوسلم: عشر من الفطرة: قص الشارب، واعفاء اللحية، والسواك واستنشاق الماء، وقص الأظفار، وغسل البراجم، ونتف الإبط، وحلق العانة، وانتقاص الماء، يعني: الاستنجاء. قال الراوي: ونسيت العاشرة إلا أن تكون المضمضة» رواه مسلم، وفي الجامع: «الختان».
د خولې حفظ الصحه یو له مهمو او حیاتي مسلو څخه ده؛ ځکه چې د هغې په پاکوالي کې غفلت، د غاښونو د ژېړوالي او خرابوالي، د خولې بد بویي او زړه ته د عفونت د خپرېدلو لامل کیږي، چې اکثره وخت د انسان د مرګ سبب ګرځي؛ خو د اسلام سپېڅلي دين ورته ځانګړې پاملرنه کړې ده، چې په نورو اديانو کې يې څاری ډېر کم ليدل کېږي.
بله ځانګړنه مضمضه او استنشاق دي، چې په خوله او پوزه کې جمع شوي میکروبونه او رطوبتونه پاکوي او دا دواړه په ورځ کې پنځلس ځله کول يې سنت دي، امام غزالي رحمه الله لیکي:
Previous Articleدیني پلورالیزم «کثرتپالنه» (لومړۍ برخه)
Next Article د جهميې فرقه «ډله» (لومړۍ برخه)