همجنسبازۍ «همجنسپالنه» (څلورمه برخه)

لیکوال: اسماعیل ساراني

همجنسبازۍ «همجنسپالنه» (څلورمه برخه)

تعریف

لُوطِیّ Loti:  لواط‌گر، همجنس‌باز. لواط  Lvate او لواطت Lvtate :  لواط، همجنس‌پالنه.

لواط: هغه بد عمل دی چې سړی یې له هلک سره کوي.

لوطي (په معروف واو سره) د چالاک او بچه باز په معنا دی، او په اصطلاح کې دا د بې باک او بې نظم معنا لري.

که یو سړی خپل د شهوت اور په بل سړي یا بل هلک سره مړ کړي، هغه ته لواط ویل کیږي.

لواطت په لغت کې د چسپولو معنا لري، داسي ویل کیږی:«هذا لاط بهذا» «یعني دغه د هغه سره چسپېدلی دی.» د طبیعت خلاف عمل دی چې یو سړی د بل سري سره جنسي خواهش ارضا(پوره) کړي.

ولې دې ته لواط ویل کیږي؟ ځکه چې فاعل له معفول سره نښلي.

ډیری قومونو هغه ته یې په غلطه توګه د سدوم نوم ورکړی، که څه په عربانو کې د لواط په نامه یادیږي، په حقیقت کې د لوط څخه اخیستل شوی، چې د سدوم سیمې اصلي اوسیدونکي وو.

د “هوموسکسوال” (homosexuality) کلمه د لومړي ځل لپاره په 1869 کې په یوه نا لاسلیک شوي کتابچه کې ښکاره شوه چې وروسته معلومه شوه چې د “کارل ماریا کِرتبیني” په نوم یو ناول لیکونکې لیکلی و او په هغه کې یې په اتریش کې د همجنسبازۍ ضد نوي تصویب شوي قانون سره مخالفت کړی و. اوولس کاله وروسته “ریچارډ فون کرافټ ابینګ” په خپل مهم کتاب “جنسي رواني رنځ” کې د همجنس پالني د تشریح لپاره ورته کلمه وکاروله او له هغه وروسته دې کلمې په ساینسي متنونو کې ځای وموند. ډېری همجنس پالان د دې کلمې د کارولو په اړه شکایت کوي او پر ځای یې هڅه کوي چې gay (د نارینه وو لپاره) او lesbian (د ښځو لپاره) یا نوري کلمې وکاروي. ځکه چې د دوی په اند، همجنس پالنه یو طبي او بیولوژیکي ماهیت لري، او د دې حالت رواني اړخ ته اشاره کوي، او دا یو منفي مفهوم ذهن کې راوړي. خو داسې ښکاري چې د کلمو د ځای پر ځای کولو هڅه تر ډېره یوه سیاسي او بحثي هڅه ده، که نه نو دا کلمه په سمه توګه مطلوب حالت بیانوي او د ذکر شویو ټولنیزو فعالانو د استنباط برعکس، همجنس پالنه یوه احساساتي او رومانتيک موضوع نه ده او اکثره د هغې د جنسي او بیولوژیکي چلند په اړه بحث کیږي.

خو تر ټولو ښه تعریف د همجنسبازۍ (homosexuality) لغت دی، په دې کلمه کې (homo) او (sex) دواړه سره یو ځای شوي او د ورته جنس له خلکو سره جنسي تمایل یا جنسي اړیکه ښيي، یعني هر ډول جنسي تمایل یا جنسي چلند چې یو کس، موافق کس پکي موضوع وګرځوي، اشاره ورته کوي.

او دا چې په کومو شرایطو کې ذکر شوی چلند د بشپړ همجنسبازۍ لامل کیږي د بحث وړ دی. په اوسنۍ مقاله کې، د بحث نور دقیق کولو لپاره، زه د همجنس غوښتنې او همجنس پالنې اصطلاحاتو ترمنځ توپیر وړاندي کوم.

لکه څنګه چې موږ وویل، همجنس پالنه د ورته جنس له شخص سره جنسي خواهش یا جنسي اړیکه ده، او لکه څنګه چې د کلمې څخه پوهېدل کیږي، دا د نورو تمایلاتو په منځ کې یو ډول تمایل دی. له بلې خوا، همجنس غوښتنې د جنسي غوښتنې یا جنسي اړیکې د اعتراض په توګه د موافق جنس هدف او احساس شوی “ترجیح” دی، او دا چې همجنسباز، مخالف جنس د خوښې او جنسي اړیکې هدف نه ګڼي او په دې شرایطو کې موافق جنس شاملوي. یو هم جنس باز د ورته جنس په اړه دا ډول تمایل لري، پرته له دې چې مخالف جنس د غوښتنې او مینې له حلقې څخه لرې کړي. نو، همجنس غوښتنه یو تمایل دی چې کیدای شي د همجنس پالني لامل شي یا نه.

که چیرې یو څوک هیڅ ډول همجنسي تمایل ونه لري، او یوازې مخالف جنس د خپلې جنسي غوښتنې او اړیکو هدف وګڼي، هغه «بل جنس غوښتنه» لري. که څوک دواړو جنسونو ته جنسي خواهش ولري، هغه «دوه جنس غوښتنه» لري، او که هغه د دواړو جنسونو سره مستحکم جنسي اړیکه ولري، هغه «دوه جنس پال» دی.

ادامه لري…