له یوې خوا په اسلام کې ښځې ځینې محدودیتونه او ځانګړي احکام او مسائل لري او له بلې خوا په معاصره پرمختللې نړۍ کې د ښځو د آزادۍ او د کور د زندان څخه د هغوی د را ایستلو شعار(د دوی په اند) هر ځای پورته شوی دی او مختلفو ټولنو یې هم لبیک ویلی دی. پر دې سربیره دغه ناسم تصور چې د غربي تمدن پرمختګ د ټولنې د دویمې برخې یعنې د ښځو څخه د کار اخیستلو له برکته شوی دی او همدارنګه دغه تصور چې د مسلمانانو وروسته پاتې والی (چې پخپله جلا عوامل لري) د ښځو په وړاندې د اسلام چلند پورې اړه لري.
دغه ډول تبلیغاتو د ډېرو پوهانو، اسلامي نظریه پوهانو او د مسلمانانو په مختلفو خلکو کې شکونه پیدا کړي دي او د ښځو په اړه د اسلام د نظریې توضیح او په اسلام کې د هغې ټولنیز رول یې یو له اړینو موضوعاتو څخه ګرځولی دی. پر دې سربېره داسې شبهې هم شته چې اسلام د عدالت، آزادۍ او برابرۍ دین دی او د ټولنې ټولې طبقې باید مساوي حقوق ولري او ښځې او نارینه تر منځ چې په انسانیت کې یو شان دي د تبعیض لاندي رانشي. او د ژوند په مختلفو برخو کې د نارینه او ښځو شتون په ټول شموله او عام ډول سره حتمي دی.
دوی باید د ژوند په مدیریت کې له یو بل څخه برتري ونه لري او په کور کې د نارینه په مدیریت او سرپرستۍ د دوی په وینا د عدل او انصاف خلاف کار دی.
د ښځو د حجاب مسئله بله هغه مسئله ده چې په اسلام کې په ښځو ظُلم شوی دی، د دوی په تعبیر کې هم د ښځو د حقونو په برخه کې د اسلام له خوا پلي شوي یو له هغو ظُلمونو څخه دی چې د دې لامل شوی چې ښځې په ټولنه کې هیڅ رول ونلري او بې برخې شي. دا شکونه او د هغوی په شان نورو د دې مسئلې د وضاحت او توضیح اړتیا تر بل هر وخت زیاته کړې ده.
له همدې امله، موږ د پورتنۍ مسئلې ریښه موندلو او د لاندې پوښتنو په اړه عادلانه څېړنه کوو:
لیکوال: شکران احمدي
By محمد فاتح