لیکوال: محمدعاصم اسماعیلزهی
د علم سره د اسلام مثبت تعامل (دویمه برخه)
د مسلمانانو علمي پرمختګ
مسلمانانو د هغه وخت د معاصرو علومو او تخنيکونو په څېړنه کې په نه ستړي کېدونکو هلو ځلو او د غوره ژباړونکو او ساينس پوهانو په وسيله، ډېر ګټور علوم او تخنيکونه يې په مادي ډګرونو کې خپل وخت تر لاسه کړ او په لنډه موده کې يې د عصري علومو او علم لوړ مقام ته ورساوه او د خپلو ديني موخو په لاره کې يې وکارول.
که څه هم دوی د علم د زده کړې په لاره کې ډیري هځې وکړې، خو له څه مودې وروسته وتوانېدل چې د ساینس او صنعت او مختلفو علمي، فکري او فرهنګي برخو کې رهبران شي. او داسې یو حالت چمتو کړي چې په هغه (اسلامي) تمدن کې خورا مشهور اسلامي ساینس پوهان وروزل شي او وړتیا ته ورسیږي.
مسلمانانو د ساینس او ټکنالوژۍ په مختلفو ډګرونو کې ژباړې وکړي، او ځانونه یې په دین او مذهب باندي محدود و نه کړ، په ژبه او بیان سره یې د دغو موخو د پرمخ بیولو هڅه وکړه او د طب، محاسبه، نبات پوهنه، جيولوژي، فزیک، هندسه، نجوم (ستورپوهنه) او نورو برخه کې یې لویې، بډایه کتابونه ولیکل. او د دې تر څنګ د اسلامي او بشري علومو په اړه د دوی خپلې لیکنې او په هغې کې د دوی د عروج په اړه (چې یو جلا او مفصل بحث دی) نوم یې وځلېدل، چې د دوی د علمي او څېړنیزو اثارو ارزښتناکه بېلګې تر اوسه ساینسي او عصري پوهان د دوی څخه مننه کوي.
ډاکټر سیدحسین نصر لیکي: اسلامي تمدن له دوهمې پیړۍ څخه تر نهم هجري قمري کال پورې (په اووه سوه کلونو کې) د ساینس، طب او نورو علومو په ډګر کې د ټولو تمدنونو په سر کې وو. [جوان مسلمان و دنیای متجدد: ص ۱۲۹ طرح نو]
امیر البیان شکیب ارسلان لیکي: د رسول الله صلی الله علیه وسلم له وفاته څه کم پنځوس کاله وروسته د یونان مشهور کتابونه په عربي ژبه وژباړل شول. [حاضر العالم الاسلامی: ۱/۱۴۸]
حتی هغه مهال چې اسلامي خلافت په دریو ډلو وویشل شو، نو د هغه وخت اسلامي خليفه ګانو په اسيا کې عباسيان، په مصر کې فاطميان او په اندلس کې امویان، د علم، معارف او آدابو په ډګر کې له يو بل سره سيالي وکړه، نو په دې ډګر کې وو چې د سرلوړي شول. [هغه]
لکلرک (د جينوا يو مشهور طبيب) وايي: نولسمه پېړۍ لا نه وه تېره چې عربانو د يونان ټول علوم په واک کې واخيستل او بغداد د عقلي تحريک مرکز وګرځېد، د ژباړې بنسټونه په کې زيات شول او طلیطله په دولسمه پېړۍ کې هغه مقام ته ورسېد چې بغداد په نهمه پېړۍ کې درلود او دا دواړه د ساینسي نظریاتو د ژباړې او بیا رغونې لوی او مهم مرکزونه وو او په بغداد کې سل ژباړونکي وو چې یوناني کتابونه یې په عربي او سریاني ژباړلي دي. [هغه: ۱/۱۳۰]
په علم او پوهي کې د مسلمانانو ځیني لاسته راوړني
مسلمانانو د ساینس او ټکنالوژۍ سره له ډیره میني او لیوالتیا، او د لوړو علمي مفاهیمو په پوهیدو سره، دې ته اړ کړل چې تل پاتې او لیکل شوي اثار شاته پریږدي او په دې برخه کې د ستاینې وړ کارونه وکړي.
په ریاضیاتو کې محمد بن موسی خوارزمي د “الحساب” په نوم یو کتاب ولیکه، چې د نړۍ د ریاضي پوهانو پام ورته واوښت او د عدد د تیورۍ، اعشاریه، ویش او محاسبې په برخه کې غیاث الدین جمشید کاشاني د “مفتاح الحساب” په نوم کتاب ولیکه، چې د مسلمانانو لوړوالی یې په ډاګه کړ. همدارنګه د ابو ریحان بیروني اثار په ساینس کې د علومو یوه روښانه بیلګه ده. خوارزمي هم د “الجبر و المقابله” په نوم یوه بله رساله لیکلې ده.
د ستورپوهنې په ډګر کې د هغه دور د معاصرو اثارو له څیړلو وروسته، نوي کارونه پیل شول، چې د موثریت له پلوه له پخوانیو څخه غوره وو. او دوی د فلکیاتو په برخه کې مختلف جدولونه چمتو کړل چې د “زیج” په نوم مشهور شول، لکه “زیج حکیم” چې په څلورمه هجري قمري کې د خواجه نصیر او د هغه د ملګرو لخوا په مراغه کې جوړ شوی و او “زیج” الغ بیګ چې جوړ شوی و. په نهمه پیړۍ کې د الغ بیګ لخوا په سمرقند کې تنظیم شوی و، رصدخانې یې هم د مسلمانانو لخوا جوړ شوي وو.
د ډاکټر سید حسین نصر په وینا: د یوې علمي ادارې په توګه د رصدخانې جوړول په حقیقت کې د مسلمانانو له نوښتونو څخه وو. [جوان مسلمانان و دنیای متجدد: ص ۱۳۷]
قطب الدین شیرازي هم د سیارې د حرکت د محاسبې په اړه د نهایة الادراک په نوم یو کتاب لیکلی چې خورا مهم و، د جغرافیې په برخه کې هم مسلمانانو ډېرې هڅې کړې او ارزښتناک اثار یې وړاندې کړي چې د دوی د کره والي څرګندونه کوي. او جغرافیه او د ځمکې سطحه هم د مسلمانانو د مطالعاتو مرکز وګرځېد. د ابن حوقل او البیرونی په شان علماوو په دې اړه کتابونه لیکلی دی. (د یادولو وړ ده چې د ابن حوقل کتاب “صوره الارض” په زاهدان کې د ډاکټر کمبوزیه په کتابتون کې موجود دی.)
ابن سینا او ابو ریحان البیرونی د جیولوجی په برخه کی څیړني ترسره کړي او ممتاز مقام یی ترلاسه کړی دی.
د فزیک او رڼاپوهنې په برخه کې هم مسلمانانو د پام وړ بریاوې لرلې او ابن هیثم په دې برخه کې د «المناظر» کتاب ولیکه چې په دې برخه کې یو له غوره اثارو څخه دی او ابو ریحان بیروني او خازني په دې برخه کې مشهور تالیفات وړاندې کړل.
مسلمانانو د طبيعي تاريخ، نباتي علومو او د معدنونو د مطالعې په برخه کې پوره مهارتونه درلودل، چې تر ټولو مشهور يې غافقي اندلسي دى او د حیوان پوهنې په اړه جاحظ د “الحيوان” په نوم يو کتاب ليکلى او دميري هم يو کتاب ليکلى دى چې “حیات الحیوان” نومیږي.
د کیمیا په برخه کې هم مسلمانانو د ستاینې وړ بریاوې درلودل او په دې برخه کې د جابر بن حیان فضیلت باندې معترف دي، او محمد بن زکریا رازي هم په دې لاره کې غټ ګامونه پورته کړل. همدارنګه د طب په برخه کې علي ابن ربان طبري په دریمه هجري پېړۍ کې د فردوس الحکمة په نوم یو مهم اثر ولیکه. د رازي کتاب “الحاوي” هم په دې برخه کې ډېر مشهور دی او د هغه وروسته د ابن سینا اثار د دې ډګر اتل ګرځېدلی دی.
د اندلس په هغه زمانه کې، د طب علم د پام وړ پرمختګ وموند. امیر شکیب ارسلان لیکي: د عربي ژبې مشهور جراح ابوالقاسم زهراوي د دې دورې له مشهورو ډاکټرانو څخه ګڼل کېده او د جراحۍ په برخه کې د هغه دور مشر و، شاوخوا دېرش ټوکه کتابونه یې د جراحۍ په اړه لیکلي دي چې په اروپایی ژبو ژباړل شوي او کارول شوي دي. [حاضر العالم الاسلامی: ۱/۱۳۳]
ابن رشد هم يو له مشهورو اسلامي فيلسوفانو او ساينس پوهانو څخه دی چې تلپاتې اثار او افکار يې پرېښي او «الکليات في الطب» له هغه څخه دی.
همدارنګه د صحافت او کاغذ جوړولو مسلک په دمشق، قاهره، بغداد او اسکندریه کې وده وکړه. په داسې حال کې چې په نورو هېوادونو کې د دې هنر په اړه ډېر خبر نه وو. [هغه: ۱/۱۳۹] او د وسلو لومړۍ فابریکه په طلیطله کې جوړه شوه. [عبيد: ۱/۱۵۲]
لنډه دا چې د تاریخ په یوه لویه برخه کې د مسلمانانو د پرمختګ او ودې دوره د هغوی مینه او لیوالتیا پوهې ته ښیي، چې په دې پرمختګ کې د هغوی پر نفس باور او پر نفس تکیه هم لوی رول درلود.
په حقیقت کې دا نوو علومو ته د مسلمانانو ژوره پاملرنه وه چې د نویو افکارو پدیدو د زیږون لارې یې پرانیستې او د اسلام او قرآن د لوړو او سپیڅلو لارښوونو په رڼا کې یې په پام کې نیول. د نوښت او عقلیت په برکت، دوی وتوانېدل چې هم د دین اهدافو ته ورسیږي او هم د فکر، ساینس او پوهې روښانه څوکو ته لاسرسی ومومي.
البته دا باید ومنو چې یوازې د دې ټولو پرمختګونو او لوړتیا په یاد په ژوندي کولو سره هیڅ ځای ته نه رسیږو، خو باید مسلمانان د خپل خلاقیت د ځواک سره او د خپلو ضمیرونو په ویښولو باندي باید تل د علم د روښانه افقونو په اړه فکر وکړي. سالمه پوهه او په خپلو افکارو کې د عقلیت او استدلال مشعل په هره دوره کې ځای پر ځای کړي. ځکه چې د معاصرې نړۍ له پوره بیدارۍ او پوهاوي پرته به د دیني زده کړې لاره هواره نه شي او د عزت او شرف لوړو پوړیو ته رسیدل به ممکن نه وي.
ډاکټر سیدحسین نصر لیکي: دا پراخه اثار د دې خبرې شاهدي ورکوي چې اسلام په تیرو وختونو کې مختلف علوم ته وده ورکړې بې له دا چې خپل قوانین شاته وغورځوي، یا اخرت هېر کړي او یا د انسان او معنویت ځنځیر وشکوي.
د مسلمانو علماوو تر ټولو مهمه لاسته راوړنه دا وه چې د انتقادي فکر تر ټولو قوي معیارونه یې درلودل او د منطقي هماهنګۍ مدافعین وو، پرته له دې چې خپل ایمان له لاسه ورکړي او یا د اسلامي فکر چې ټول اسلامي علوم په کې پیدا شوي وو، پردي شي. [جوان و دنیای متجدد: ص ۱۵۲]
ادامه لري…
By محمد فاتح