لیکوال: خالد یاغي زهي
د یلدا شپې تاريخ او نمانځلو حکم (لومړی برخه)
لنډیز
د اسلام دین تر ټولو بشپړ دین دی او په ټولو زمانو او ځایونو کې د تطبیق وړ دی. د مسلمانانو د ژوند ټولو اړخونو لپاره جامع پلان او قانون لري او ټولو مؤمنانو ته خطاب کوي: « الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا»[1] ژباړه: « نن ما ستاسو دین ستاسو لپاره بشپړ کړ، خپل نعمت مې پر تاسو ختم کړ او اسلام مې ستاسو لپاره د دین په توګه غوره کړ.» نن ورځ موږ په څرګند ډول وينو چې په ټوله نړۍ کې جعلي جبهې هڅه کوي چې مسلمانان بې شخصیته کړي او له خپلو اصولو او فکري بنسټونو څخه یې لرې کړي. د اسلام دښمنان غواړي په دې توګه مسلمانان د اسلام له اصیلو ارزښتونو او سنتونو لرې کړي او هڅه کوي چې تر بېلابېلو نومونو، لکه: پرمختللي ملتونو، کلتوري ملتونو او مدني ملتونو، تر سیوري لاندې مسلمانان داسې کسان وګرځوي چې له کلتوري، ټولنیزو دودونو او اخلاقي اړخونو څخه د دوی تابع وي، چې په اسانۍ سره پرې واکمن شي. د هغوی افکار او عقاید تر پښو لاندې کړي او هغوی استثمار کړي. د دې شومو موخو د پلي کولو لپاره، ځینې مسلمانان په خپله خوښه او ناخوښه ډول د هغوی همغږي شوي دي. د مسلمانانو د غفلت له کبله، ډېر دودونه، رواجونه، اخلاقي چلندونه او غير اسلامي جشنونه د دښمنانو له خوا په تدریجي او پلان شوي ډول، د مسلمانانو په مراسمو، افکارو او عقایدو کې ننوتي دي او هغوی یې په پوره لېوالتيا ترسره کوي. د افسوس ځای دی چې ډېری ناپوهه مسلمانان له خپلو اسلامي سنتونو او ارزښتونو لاس اخيستی او د بدعتونو او غیر اسلامي دودونو د ترسره کولو په لټه کې دي. دې ناورین تر دې اندازې وده کړې چې په مذهبي عبادتونو او اکثرو شخصي دودونو او کړنو کې هم د کافرانو پیروي کوي.
کلیدي ټکي: جشنونه، بېلګې او نمونې، بدعت، غير اسلامي دودونه، د یلدا شپه.
سریزه
ډېر شکر او ستاینه د لوی خدای جل جلاله لپاره ده، هغه چې پر موږ یې بشپړ شریعت او پاک دین نازل کړ. درود او سلام دې وي پر حضرت محمد مصطفی صلی الله علیهوسلم، هغه چې د رسولانو خاتم او زموږ لارښود دی او همدارنګه د هغه پر کورنۍ او ملګرواللهم صلی على محمد وعلى اله وصحبه اجمعین.
اسلامي شریعت یوازینۍ بشپړ قانون او پروګرام دی، چې کولای شي د بشر ټولو اړتیاوو، پوښتنو او غوښتنو ته ځواب ووايي؛ ځکه چې خدای جل جلاله وايي: “الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا”[2] ژباړه:« نن ما ستاسو دین ستاسو لپاره بشپړ کړ، خپل نعمت مې پر تاسو ختم کړ او اسلام مې ستاسو لپاره د دین په توګه غوره کړ.»
دغه راز وايي: “بِالْبَيِّنَاتِ وَالزُّبُرِ، وَأَنزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزَلَ إِلَيْهِمْ وَلَعَلَّهُمْ يَتَفَكَّرُونَ”[3] ژباړه: «موږ هغوی له څرګندو دلیلونو او کتابونو سره لېږلي دي او موږ قران پر تا نازل کړی دی، چې ته خلکو ته هغه څه روښانه کړې چې دوی ته نازل شوي دي، د دې لپاره چې دوی فکر وکړي.»
حضرت ابوذر رضیاللهعنه وايي: “ولقد تَرَكَنا رسول الله صلىاللهعليهوسلم وما يُقَلِّب طائر بجناحيه في السماء إلا ذكرنا منه عِلمًا”[4] ژباړه:« رسول الله صلی الله علیه وسلم له موږ څخه هغه وخت لاړ، کله چې په اسمان کې هېڅ مرغۍ نه الوتله، مګر دا چې هغه موږ ته د هغې په اړه پوهه راکړه.»
دغه راز الله تعالی په قران کریم کې رسول الله صلی الله علیه وسلم د غوره نمونې او بېلګې په توګه یاد کړی دی او مسلمانانو ته یې امر کړی چې په خپلو عباداتونو او دودونو کې د هغه له نبوي سیرت څخه پیروي وکړي. “لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ”[5] ژباړه: «بېشکه چې رسول الله صلی الله علیه وسلم ستاسو لپاره نېکه بېلګه ده.» «اُسوه» د مشر او پیرو په مانا ده او دا هغې ځانګړتیا ته اشاره کوي چې یو کس د مشرتابه وړ ګرځوي.
اخترونه، غونډې، مراسم، جشنونه او مناسبتونه له هغو موضوعاتو څخه دي، چې زموږ دین یې ملت ته تشریح او لارښونه کړې ده، چې مسلمانان په دغسې مسایلو کې سرګردان او بې ځوابه پاتې نه شي. یو له دغو مسایلو څخه چې د ځواب حکم یې باید په شریعت کې وپلټو، د یلدا شپې د حکم حقیقت دی، ځکه چې دا مسأله د ډېرو مسلمانانو لپاره د پوښتنې او شک سرچینه ګرځېدلې ده.
هر مسلمان اړ دی چې په خپلو عباداتونو او عاداتونو کې د رسول الله صلی الله علیه وسلم پیروي وکړي، چې خدای جل جلاله له هغه سره مینه وکړي او ګناهونه یې وبښي.
دوام لري…
مخکنئ برخه
سرجینې:
[1]. سورۀ مائده، آیه: 3.
[2]. سورۀ مائده، آیه: 3.
[3]. سورۀ نحل، آیه: 44.
[4]. الدمشقي، أبو الفداء إسماعيل بن عمر بن كثير، تفسیر القرآن العظیم،ج3،ص255، سورة الأنعام، آیه: 37، الطبعة الثانية: 1420هـ – 1999 م، الناشر: دار طيبة للنشر والتوزيع- بیروت.
[5]. سورۀ احزاب، آیه: 21. س