لیکوال: محمدعاصم اسماعیل زهي
هیومنېزم « انسان پالنه» (برخه: ۹)
د انسانیت په نوم دوکه
انسانیت یا لکه څنګه چې دوی وايي نړيوال توب، یو ځلاند غږ دی چې کله ناکله څرګندېږي، بیا تر بل ځل راڅرګندېدو پورې له سترګو پټ پاتې کېږي، لکه: ای زما وروره! انسان پال اوسه، خپل زړه او احساسات د ټول انسانیت پر لور متوجه کړه، دین په یوه ګوښه کې کېږده؛ ځکه دین یو شخصي کار دی، دا د بنده او پروردګار تر منځ ځانګړې اړیکه ده، چې ځای یې زړه دی، خو اجازه مه ورکوه چې دا اړیکه ستا احساسات او چلند د هغو کسانو په وړاندې، چې ستا له دین پرته بل دین لري، جوړ کړي؛ ځکه دین باید د انسانانو تر منځ د تفرقې او بېلتون لامل نه شي. ټول په انسانیت کې له یو بل سره ورونه دي! راځه پرته له دې چې نژاد، رنګ، وطن او یا دین په پام کې ونیسو، د ټول بشریت لپاره خیر او ښه والی برابر کړو او هغوی ته یې ورکړو! لکه څنګه چې یې ته وینې، دا یوه ښکلې ادعا ده؛ کله چې ورته غوږ نیسې، داسې داسې درته ښکاري، چې ګواکې تا د هغو ټولو خنډونو سربېره چې د انسانانو تر منځ په ځمکه کې توپیرونه جوړوي د لوړوالي او اوج پر لور راغواړي، چې د رڼا په نړۍ کې الوتنه وکړې، د لوی زړه، پراخ نظر او شریفو احساساتو څښتن شې، چې د انسانیت په سترګو یې وګورې، د نړیوال فکر په اړه فکر وکړې او خپله غېږه د سترې انساني مینې په وسیله د ټول بشریت لپاره په مساوي ډول پرانېزې.
څومره ویاړ، لوړوالی، څومره شرافت او څومره عظمت په زړه، ځان، فکر او احساس کې لري! خو لږ تم شه! صبر وکړه، هغه غږ چې دا کلمې او عبارتونه پیدا کوي، له منځه ولاړ شي، بیا له احساساتو او هیجاناتو څخه لرې، حقیقت ولټوه او وګوره، چې د نړۍ په کوم ځای کې دا شعارونه عملي شوي دي!؟
ایا په حقیقت کې کوم رښتینی اعتبار شته، که یوازې تش شعارونه دي چې د ځانګړو موخو لپاره پورته کېږي!؟
اوس دې فراماسوني[1] عبارت ته وګوره چې وایي :« خپل باورونه د خپلو بوټانو په څیر دروازې ته راوړئ!»
ایا ته فکر نه کوې چې د فراماسوني (د ورورولۍ خپاره شوي سازمانونو) بلنه د انسانیت بلنې ته ورته ده؟ ایا ته فکر نه کوې، چې دواړه سره نږدې دي؟ ان لکه دوهګوني ورونه!؟
«خپله عقیده مو د دروازې مخې ته وباسئ (یعنې د فراماسونۍ د داخلېدو پر مهال) لکه څنګه چې بوټان وباسئ او بې عقیدې دننه ننوځئ.» شیطانان غواړي چې په همدې ډول تا غلام کړي، چې تا د خپلو ګټو په خدمت کې ونیسي!
«ټول غیر یهود ملتونه خره دي، خدای پاک د دې لپاره پیدا کړي دي چې د خدای غوره شوي خلک (یهودان) پرې سپاره شي.» او خر انسان هغه څوک دی چې د دروازې مخې ته خپله عقیده، لکه د بوټانو په څېر وباسي او ننوځي، لکه څنګه چې له هغه غوښتل شوي چې دننه لاړ شي، بې له دین او بې له اخلاقو!
په تېر وخت کې هر کله چې دین قوي او ځواکمن و، هغوی د مبارزې وړتیا نه درلوده، ان د دې عبارت د ژبې پر سر راوړلو جرات یې هم نه درلود، بلکې د نفاق لاره یې نیوله چې د «دوکې» په وسیله نور خلک خپلو ناوړه موخو ته ورسوي.
“وَإِذَا لَقُوا الَّذِينَ آمَنُوا قَالُوا آمَنَّا وَإِذَا خَلَوْا إِلَى شَيَاطِينِهِمْ قَالُوا إِنَّا مَعَكُمْ إِنَّمَا نَحْنُ مُسْتَهْزِئُونَ” ژباړه: «کله چې (منافقین) له مومنانو سره مخامخ شي وایي: موږ هم ایمان راوړی دی او کله چې له خپلو شیطان صفته مشرانو سره په پټه کېني وایي: موږ له تاسو سره یوو او (مومنان) مسخره کوو.»[2]
“وَقَالَتْ طَائِفَةٌ مِنْ أَهْلِ الْكِتَابِ آمِنُوا بِالَّذِي أُنْزِلَ عَلَى الَّذِينَ آمَنُوا وَجْهَ النَّهَارِ وَاكْفُرُوا آخِرَهُ لَعَلَّهُمْ يَرْجِعُونَ” ژباړه: «د اهل کتابو یوه ډله (خپلو همکشیشانو ته) وویل: پر هغه څه چې پر مسلمانانو نازل شوي، د ورځې په پیل کې ایمان راوړئ او د ورځې په پای کې پرې کافر شئ، ښایي چې (له قران څخه پیروي ونه کړي او له هغه) واوړي.» [3]
خو هغوی نن په امن کې دي او اړتیا نه لري، چې ځانونه مسلمانان وښیي، بلکې نن سبا په بشپړه بې پروايي سره د الحاد خپرولو ته پر ځمکه لاس پورې کوي. دا الحاد یوازې د صادرولو یوه سوداګري ده! دا یې غیر یهود ملتونو ته صادروي، چې هغوی له دین څخه لرې کړي، په داسې حال کې چې په خپله یې نه کاروي! ځکه چې د دې ټولو پلانونو او دسیسو وروستۍ موخه دا ده، چې د غیر یهود ملتونو ټول دینونه له منځه یوسي، چې یوازې یهودیان په ځمکه کې د دین خاوندان پاتې شي! حال دا چې هغوی پر خپل طبیعت دي او هغه نه بدلوي، بلکې د ټولو خلکو پر وړاندې د ایمان لرلو ځان ښودنه کوي او کله چې له خپلو شیطان صفته مشرانو سره په پټه کېني وایي: موږ له تاسو سره یو او (مومنان) مسخره کوو!
په دې وخت کې خندونکې بلنه همدا ده چې وایي: «خپله عقیده لکه د بوټانو په څېر د دروازې مخې ته وباسئ!» نو که غیر یهود ملتونه پرې باور وکړي او خپله عقیده لکه بوټان وباسي، د انس او جن شیطانان چې کله په پټه سره یوځای شي، په خوشحالۍ او خوښۍ بوختېږي او یو بل ته وایي: موږ له تاسو سره یوو، لا هم د شیطانانو په دین یوو، بلکې موږ یوازې غیر یهود ملتونه مسخره کوو!
[1]. جهت آشنایی و شناخت بهتر عقاید و باورهای فراماسونری، به بخش نظریات و مکاتب فکری سایت ادارۀ علمی و تحقیقاتی کلمات مراجعه نمایید.
دوام لري…
مخکنئ برخه / راتلونکې برخه
سرچینې:
[2]. سورۀ بقره، آیه: 14.
[3]. سورۀ آل عمران، آیه: 172.