اسلامي عقايد؛ د ماشومانو ډېوه (يوويشتمه برخه)

ليکوال: ابو جرير

اسلامي عقايد؛ د ماشومانو ډېوه (يوويشتمه برخه)

پوښتنه: له څه شیانو جنتیان محفوظ دي؟
ځواب: له هغې جملې یې دا دي.
۱- کینه او عداوت:
الله تعالیٰ فرمایي “وَنَزَعْنَا مَا فِي صُدُورِهِم مِّنْ غِلٍّ” الحجر: (۴۷) ژباړه: هر هغه څه چې د کینې او عداوت د جنتیانو په زړه کې وو هغه مو ترې بهر کړل.
۲- ستړیا:
الله تعالیٰ فرمایي: “لَا يَمَسُّهُمْ فِيهَا نَصَبٌ” الحجر: (۴۸) ژباړه: جنتیانو ته به هغه ځای کې ستړیا ونه رسیږي.
۳- خپګان او ډار:
الله تعالیٰ ﷻ فرمایي: “يَا عِبَادِ لَا خَوْفٌ عَلَيْكُمُ الْيَوْمَ وَلَا أَنتُمْ تَحْزَنُونَ”الزخرف: (۶۸). ژباړه: ای زما بندګانو په تاسو نن نه ډار شته او نه به غمګین شی.
پوښتنه: په جنت کې به څو کاله اوسیږو؟
ځواب: د جنت نعمتونه ابدي دي او جنتیان به هیڅ کله له هغه ځای بهر نکړل شي.
بعضی دلایل یې لاندي ذکر شوي دي:
۱- “وَمَا هُم مِّنْهَا بِمُخْرَجِينَ” الحجر: (۴۸) ژباړه: هغوی به هیڅ کله له جنت بهر نکړل شي.
۲- “وَاَنْتُم فِیْهَا خَالِدُونَ” الزخرف: (۷۱). ژباړه: او تاسو به په جنت کې تل ژوند کوی.
۳- “لَا يَذُوقُونَ فِيهَا الْمَوْتَ إِلَّا الْمَوْتَةَ الْأُولَىٰ ۖ وَوَقَاهُمْ عَذَابَ الْجَحِيمِ” الدخان: (۵۶). ژباړه: او پرته له هغه مرګ (چې په دنیا کې مړه شوي دي) بیا به هیڅ د مرګ خوند په جنت کې ونه څکي او خداي به هغوی د جهنم له عذابونو محفوظ وساتي.
۴- “وَهُمْ فِي مَا اشْتَهَتْ أَنفُسُهُمْ خَالِدُونَ” الأنبياء: (۱۰۲) ژباړه: او د جنتیانو نفسونه چې هر هغه څه ته شوق او خواهش لري ابدي به متنعم وي.
پوښتنه: الله تعالیٰ ﷻ د ګنه‌کارانو په اړه څه لارښونه کوي؟
ځواب: قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ” الزمر: (۵۳)
ژباړه: ای رسوله زموږ له لوري ورته ووایه: ای زما بندګانو چې پر ځان مو ظلم او اسراف کړی دی د الله تعالیٰ ﷻ له رحمت څخه مه ناهېلي کیږئ، الله تعالیٰ ﷻ ټول ګناهونه یو ځای بخښي، یقیناً چې بښونکی او مهربان دی.
پوښتنه: په خپلو نزاع او جنجالونو کې کومه جرګه یا قانون داور (قاضي) وګرځوو؟
ځواب: “فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنفُسِهِمْ حَرَجًا مِّمَّا قَضَيْتَ وَيُسَلِّمُوا تَسْلِيمًا” النساء: (۶۵)
ژباړه: نه داسي نه ده، ستا په خدای قسم چې دوی په حقیقت کې نه ایمان داره کیږي، مګر هغه چې هغوی په خپلو نزاع او خصومتونو کې تا حَکَم او قاضي و نه ګرځوي او هغه وخت چې هر حُکم وکړې په هغه هیڅ ډول اعتراض په زړه کې ونلري او کاملاً له زړه ستا فرمان ته تسلیم وي.
پوښتنه: د یو مسلمان مسؤلیت د خپلې کورنۍ په برابر څه دی؟
ځواب: يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ” التحريم: (۶)
ژباړه: ای هغه کسانو چې په خداي مو ایمان راوړی ده، ځان مو له کورنۍ سره د جهنم له اوره وساتئ هغه اور چې خلګ او کاڼي یې خَس (سون توکي) دي، او په هغه دوزخ سخت زړي ملایکې څارونکي دي، چې هیڅکله به د الله له حکم څخه سر نه غړوي او هر امر چې ورته کیږي، هغه به په ځای راوړي.