څرنګه چې اللهﷻانسانان د شتمني په لحاظ یو برابر نه دي پیداکړي، ځینې کسان یې شتمن او مالداره او ځینې نور یې غریب او مسکینان ګرځولي، د شتمنو مسلمانانو په شتمنیو او مال کې اللهﷻ د فقیرانو لپاره یو مقدار حق ګرځولی دی، په دې سربیره اللهﷻ اغنیاؤ ته امرکړی چې په ناچاره خلکو صدقه او خرچه وکړي؛ یو خوبه بیوزله او مسکینان له فقر او غربت څخه و ژغورل شي او بل به صدقه کونکو کسانو ته د جهنم له اور څخه د خلاصون ذریعه او سبب وګرځي د دوی په اړه اللهﷻ داسې فرمایي:
ژباړه: نه دی یوهم له تاسو څخه مګر زر ده چې اللهﷻ به ورسره خبرې وکړي، چې نه به وي په مابین د ده او دهغه کې ژباړن (او د دوی په منځ کې به کومه پرده او مانع هم نه وي چې بنده له خپل رب څخه پټ کړي) نظر به وکړي ښي لوري خپل ته، وبه نه ویني مګر هغه (نیک عمل) چې وړاندې یې کړی، بیا به نظر وکړي کیڼ (چپ )لوري ته، وبه نه ویني مګر هغه (بد عمل) چې مخکې یې ترسره کړی، بیا به مخامخ نظر وکړي و به نه ویني مګر اور مخامخ ده ته، ځان وساتئ له اور څخه اګر که په یوه ټوټه (حصه) د خرما هم وي.
زموږ او ستاسو په هېواد کې خلک د وچکالۍ له لاسه کړيدلي او له ګڼو ستونزو سره لاس او ګرېوان دي، نوباید له دوی سره په هغو ځایونو کې چې خوراکي توکوته اړتیا وي باید ورته برابر او په کومو ځایونو کې چې اوبو ته اړتیا او ضرورت لیدل کیږي؛ نو هلته باید د څښاک د ابو ترتیب ورته وشي، ترڅو د ټولنې له وګړو سره په هره برخه کې مرسته او همکاري وشي.
همدارنګه د بوټو کښینول، له صدقې جاریې څخه حسابیږي او بل د وطن په ښکلا کې رغنده رول لوبوي؛ باید موږ او تاسو د نورو صدقو تر څنګ لږ تر لږه یو یو نیالګی هم کښینوو تر څو مو د هېواد ښکلا نوره زیاته رنګینه او هم د أجر او ثواب خاوندان شو.
الله ﷻ هغو کسانو ته چې صدقه او خیرات ورکوي د کامیابي خبر ورکړی:
ژباړه: نه دی یو مسلمان چې کینه وي یو بوټی له بوټو او یا کښت کوي له کښتونو څخه، بیا له هغه څخه خوراک کوي مرغه، انسان او یا کوم بل حیوان ؛ مګر وي به د لره په دې عمل سره صدقه.
همدارنګه ابو هريره (رضي الله عنه) فرمايي: چې رسول الله ﷺفرمایلي:
ژباړه: یقناً ځینې له عمل او نیکۍ څخه وصل کیږي مؤمن لره، وروسته له مرګ دهغه څخه، هغه علم چې نورو ته یې ور زده کړی او خپور کړی وي، هغه نیک بچی چې پریښی یې وي، هغه مصحف چې په میراث سره یې پریښی وي، یا یې مسجد جوړکړی او یا یې د مسافرو لپاره یوه کوټه او خونه جوړه کړې وي، یا خو یې نهر جاري او روان کړی وي، یایې له خپل مال څخه صدقه ایستلې وي د ژوند او روغ والي په وخت کې؛ نو وصل او پیوسته به شي صدقه دلره ، وروسته له مرګ دده څخه.
داسلامي امارت مسؤلین کوښښ او تلاش کوي چې خپل هېوادولو ته د ښه او آرامه ژوند امکانات برابر کړي، د راتلونکي لپاره یې هلې ځلې کوي چې هیوادوال له ستړي او سرګردانه ژوند څخه را وګرځوي او په خپل کور او هېواد کې ورته د کار او ښه ژوند زمینه برابره کړي، د افغانستان اسلامي امارت خپلې هڅې روانې ساتلي چې څرنګه وکولای شي خپلو هېوادوالو ته د ژوند او کار کولو ښه زمینه په خپل ګران هېواد کې دننه برابره کړي.
خو د یوهېواد بیا رغونه او ساتنه نه تنها په نظام پورې اړه لري، بلکې د هېواد ټول اوسیدونکي دا دنده او مسؤلیت په غاړه لري چې د خپل وس اوتوان مطابق هېواد والو ته د سوکالۍ لپاره خپلې هلې ځلې ګړندۍکړي.
