قادیانیت (دریمه برخه)

لیکواله: ام عایشه علیزۍ

قادیانیت (دریمه برخه)

څومره چې ممکنه وي د ډلو او مذهبونو پیژندلو لپاره، موږ باید لومړی د دوی نظرونه، فکرونه او باورونه وڅیړو، ترڅو پوه شو چې دوی په کومه کچه کې دي؛ ځکه تر ټولو مهم شی چې پر انسان اغېز کوي او د هغه لپاره د هدایت یا انحراف لاره ټاکي د هغه فکر او عقاید دي، په دې برخه کې غواړو د میرزا غلام احمد د کفر لاملونه بیان کړو او د هغه د افکارو، نظریاتو او باورونو څېړنه وکړو.

د میرزا غلام احمد کفر

که څه هم بې دلیله چا ته کافر ویل لویه ګناه ده او باید یو څوک بې دلیله کافر ونه بلل شي. خو کله کله د يو کس د کفر د قطعي دلايلو په بيانولو سره څرګنده کیږي چې هغه بې له شکه کافر دی. اوس دلته پوښتنه کوو چې آیا میرزا غلام احمد قادیانی کافر وو؟ (یوه پوښتنه چې شاید ستاسو ذهن يې ګډوډ کړې وي؟) هو، علمای کرامو مشخص کړي دي، چې موږ به د دوی دلایل په لاندې تفصیل سره تشریح کړو.

د میرزا غلام احمد د کفر لاملونه

• د نبوت دعوه

میرزا غلام احمد په خپل کتاب کې چې د «إزالة الخطا» نومیږي وایي: زه هغه احمدي یم چې په مبارک آیت کې ذکر شوی دی. الله سبحانه وتعالی فرمایي: «ومبشراً برسول یأتی من بعدی اسمه أحمد»؛  که څه هم د آیت صحیح معنی دا ده چې عیسی بنی اسرائیلو ته خطاب وکړ او ویې ویل: په تحقيق سره الله تعالی زه تاسو ته د هغه پیغمبر په توګه رالیږلی یم چې د تورات تصدیق کوي او د هغه پیغمبر لپاره زیری ورکوم چې زما څخه وروسته رالیږل کیږي، او د هغه نوم احمد دی.

میرزا غلام احمد په خپل کتاب «ازالة الخطا» کې ادعا کړې چې دی هغه پیغمبر دی چې پېړۍ وړاندې عیسی علیه السلام ته د راتګ خبر ورکړل شوی وو.

• د خدای تعالی د لورې څخه د الهام ادعا کول

میرزا غلام احمد په «توضیح المرام» کتاب کې وايي: «أنا محدث والمحدث، نبی من جهة» زه هغه څوک یم چې د وحی الهام راته  کيږي او هغه څوک چې الهام ورته شوی وی په یو ډول پیغمبر بلل کیږي، میرزا غلام احمد د خپلې ادعا ثابتولو لپاره چې په یوه حدیث کې رسول الله صلی الله علیه وسلم د حضرت عمر رضي الله عنه په باره کې فرمایلي دي: «قدکان فیما مضی قبلکم من الأمم أناس محدثون فإن یکن فی أمتی منهم أحد فإنه عمر ابن الخطاب رضی‌الله‎عنه.» دا يو دليل دی او په دې حدیث کې محدث د صاحب فراست الهام معنی لري.

• ادعا کول چې هغه تر عیسی علیه السلام څخه غوره دی

میرزا غلام احمد په خپل کتاب «دافع البلاء» کې لیکي: «اترکوا ذکر ابن مریم فإن غلام أحمد أفضل منه» ابن مریم پریږدئ. ځکه غلام احمد له هغه څخه د رتبې په لحاظ لوړ دی.»

• د استعمار د خدمت لپاره دا دعوه چې جهاد باطل دی

غلام احمد ادعا وکړه چې جهاد په هغه نوي شريعت کې چې دشيطان له خوا ورته نازل شوى دى متروک دى او ويې ويل: دمسلمانانو لپاره دا روا نه ده چې له کفارو سره جهاد وکړي، په تېره بيا له انګرېزانو سره، د دې څرګند کفر دليل دا وو چې میرزا غلام احمد له یوې مشهورې کورنۍ څخه و چې تل یې په اخلاص سره د انګرېزانو خدمت کاوه، تر دې حده چې پخپله میرزا غلام احمد وایي: پلار یې د هند او انگرېز د حکومت تر منځ د جګړې پر مهال د پنځوسو اسونو سپرلۍ مرسته ورسره وکړه. او کله چې هغه د بریتانوي حکومت لخوا نوکر شو، د انګرېزي حکومت له خوا هغه د مسلمانانو د ویشلو او د هغوی د یووالي د له منځه وړلو په موخه د نبوت د دعوې لپاره وګمارل شو، کله چې د انګرېز استعماري حکومت پوه شو چې د مسلمانانو قوت او د هغوی معنوي روح د دوی د دین په ټینګولو کې دی، او یو له مهمو او واجبو امورو څخه د کفارو سره جګړه ده. نو دوی غوښتل چې د جهاد د مسلې د له منځه وړلو لپاره میرزا غلام احمد او د هغه ملګري ولېږي، تر څو د مؤمنانو په وجود کې معنوی روحیه پاتې نه شي. له دې وروسته میرزا غلام احمد ادعا وکړه چې جهاد متروک دی او په دې اړه يې ډېر کتابونه او مقالې ليکلي دي.

• قادیان ته د حج د ځای بدلول

میرزا غلام احمد وايي: «لقد قدّس الله هذه المقامات الثلاثه: مکة والمدینة والقادیان واختار هذه الثلاثة لظهور تجلیاته» الله تعالی دا درې ځایونه مقدس کړي دي (مکه، مدینه او قادیان) او دا درې واړه ځايونه يې د خپل ظاهر د څرګندولو لپاره غوره کړي دي، او دا قول الله تعالی فرمايي: «ومن دخله کان آمناً» «او هرڅوک چې داخل شي په امن کې دی» دا آيت د قاديان پر جومات هم د لالت کوي او د قاديان دويم نوم دارالحرب دی.

• مخلوقاتو ته د خدای جل جلاله مشابهت

میرزا غلام احمد وايي: « قال لی الله إنی أصلی وأصوم و أصحو وأنام»  خدای تعالی ما ته و فرمایل : زه لمونځ کوم، روژه نیسم، ویده کیږم او راویښيږم .

• د بیا زیږون(تناسخ) او حلول په عقیده باور

شیخ علامه ابوالحسن ندوي رحمه الله فرمایي: د میرزا غلام احمد له عباراتو څخه چې په تریاق القلوب کې راغلی دی، دا څرګنديږه چې هغه د تناسخ او وعده په عقیده باور درلود، هغه وايي: د پیغمبرانو روحونه هم بیا زیږیدلي دي او د ځینو روحونه په نورو کې داخلیږي.»

• د زوی نسبت الله تعالی ته او دا چې هغه د الله تعالی زوی دی

لویه بدبختي دا ده چې هغه د خدای د زوی ادعا وکړه او ادعا یې وکړه چې هغه د کرشن څرګند او سمبول دی او دا چې کرشن په هغه کې څرګند شوی دی، او خدای پاک کله ناکله ورته خطاب کاوه او ویې ویل: «اسمع یا ولدی» «أنت منی بمنزلة ولدی»

• د محمد صلی الله علیه وسلم له د ختم نبوت انکار

میرزا غلام احمد په «دافع البلاء» کتاب کې وايي: «هو الله الذی أرسل رسوله فی القادیان» . په داسې حال کې چې الله سبحانه وتعالی پر دې حقیقت ټینګار کړی او فرمايي: «ما کان محمد أبا أحد من رجالکم ولکن رسول الله وخاتم النبیین وکان الله بکل شیء علیماً»؛ دا آیت د قرآن کریم نص دی چې د الله سبحانه وتعالی له لوري نازل شوی دی او په یقیني ډول په نیت دلالت کوي، نو ځکه هیڅ تفسیر نه مني. نو چا چې انکار وکړ یا یې شک وکړ؛ نو هغه کس د امت په اجماع سره کافر دی.

• څلور سوه پېغمبران په خپلو غيبي خبرو کې درواغجن بولي

میرزا غلام احمد په «إزالة الخطا»  کتاب کې لیکي: په یوه زمانه کې څلور سوه پیغمبران په خپلو خبرو کې درواغ ویلي. دا کافر په ښکاره ډول انبياء عليهم السلام درواغجن بلل، الله جل جلاله په قران کريم کې فرمايي: په حقيقت کې د پخوانيو امتونو د کفر لامل په عمومي ډول د خپل انبياو درواغجن بلل دي، څنګه چې الله تعالی فرمایي: «کذبت قوم نوح المرسلین»؛ (د نوح علیه السلام قوم پیغمبران درواغجن بلل)، «کذبت عاد المرسلین» (د عاد قوم پیغمبران درواغجن بلل)، «کذبت ثمود المرسلین»؛ (د ثمود قوم انبيا يې درواغجن بلل)، «کذبت قوم لوط المرسلین»؛ (د لوط علیه السلام قوم پیغمبران درواغجن وبلل)، «کذبت أصحاب الأیکة المرسلین»؛ ( اصحابو ايکه هم د انبيا درواغجن بلل)

امامان په دې باره کې فرمايي: هغه څوک چې پیغمبرانو ته د درواغو نسبت وکړي، که څه هم په هغه باندې ايمان نه لري. نو دا سړی د ټولو علماوو په نظر کافر دی، نو څه حال دی د هغه کس چې څلور سوه پیغمبران د غیب په خبرونو کې درواغجن بولي؟