په آلمان کې، د تیر کال د YouGov لخوا ترسره شوې سروې له مخې، په هیواد کې نیمایي میرمنې د جنسي ځورونې قرباني شوي دي. د دې ناوړه استفادې تر ټولو عام بڼه په نامناسب ډول د ښځو د بدنونو مستقیم لمس کول وو.
په انګلستان کې، احصایې د آلمان څخه ډیر توپیر نلري؛ په دغه هېواد کې له پنځوس سلنې څخه زیاتې کارګرې ښځې د کار پر مهال له جنسي ځورونې سره مخ دي.
سویډن او ډنمارک هم د تیرو دوو هیوادونو څخه توپیر نلري؛ په دغو دوو هیوادونو کې د لوړې کچې سوکالۍ او لوړې جنسي ازادۍ سره سره، دا هیوادونه د جنسي ځورونې ترټولو لوړې احصایې لري. په دغو دوو هېوادونو کې د هغو ښځو تناسب چې له جنسي ځورونې سره مخ شوي د ۸۰ او ۱۰۰ سلنې تر منځ دي، چې د «Statista» انسټیټیوټ د شمېرو له مخې، د دغو دوو هېوادونو په ځینو سیمو کې هېڅ ښځه نشته چې د جنسي ځورونې تجربه یې نه وي کړې.
د اروپا او امریکا په ګډون په غربي نظامونو کې ښځې د اقتصادي پرمختګ او سرمایه ګذارۍ وسیله ده. د بېلګې په توګه، د غربي مجلو ټولې پاڼې د ځوانو ښځو له انځورونو جوړې دي، خو کله چې همغه ښځه ځواني تېره کړي، نو د هغې انځور په مجلو او فلمونو کې نه لیدل کېږي، ځکه چې هغې خپل ارزښت له لاسه ورکړی دی.
د کورنۍ بنسټ ړنګېدل، غیر رسمي او ناروا ودونه، پرله پسې طلاقونه او د نامشروع اولادونو زیږون په غرب کې د کورنۍ رول د یو روحي او رواني آرامتیا د مرکز په توګه له منځه وړی دی، او تاسو به په لویدیځ کې هیڅ ښځه ونه مومئ چې د پورتنیو شیانو له امله یې زیان نه یې لیدلی، او د دغه نعمت څخه بې برخوالی دی چې د اروپا او امریکا بیلابیل هیوادونه یې د ځان وژنې سره مخ کړي دي.
هغه پوښ او حجاب چې لويديځ يې وړاندې کوي د نارينه او ښځينه تر منځ د ناسمو اړيکو ټينګول دي.
هو! د ښځو ازادي او د ښځو حقونه د ښځو د ټول وجود او شخصیت د له منځه وړلو لپاره یوه بهانه او یو تکتیک دی. په دې توګه د لويديځ له خوا د ښځو حقونه او ازادي له يو خوب او خيال څخه بل څه نه دي او دا هغه سراب دی چې له حقيقته بې برخې دی.
