ليکوال: ابو رائف
فراماسونري (برخه: ۲۱)
د منارې شعار
سره له دې چې د منارې نسبول په پخواني فرعوني تمدن کې د «رع» خدای (د ورځې خدای) نښه ګڼل کېده او له ميلاد څخه وړاندې په درېيمه پېړۍ کې د دې تمدن د رامنځته کېدو له وخت راهيسې په معبدونو کې په پراخه کچه وکارول شوې او همدارنګه د توحيد نښه او د دې نړۍ د مدبر (لوړ خالق) نښه ګڼل کېده، چې دواړه معناوې یې «لوړوالي» او مطلق لور ته اشاره کوي، خو د ماسوني تفکر له مخې مناره د هغوی له مهمو شعارونو څخه ګڼل کېږي؛ ځکه دا د ماسوني مرکزونو نښه ده او ماسونيانو ته د «ابدي ژوند انرژۍ» د رسولو نښه ده.[۱] همدارنګه مناره د «د نړۍ د مرکزيت» او پر نړۍ د واکمنۍ او تسلط د تمایل نښه ګڼل کېږي.
تر ټولو مشهورې منارې په لاندې ډول دي:
(الف) د واشنګټن ښار مناره چې پر نړۍ د نظامي او سياسي واکمنۍ نښه ده.
(ب) د نيويارک ښار مناره چې د نړۍ د هېوادونو پر اقتصاد د مالي واکمنۍ نښه ګڼل کېږي.
(ج) د واتیکان د ميدان مناره چې د روحاني او دينې واکمنۍ نښه ده.[۲]
د پورته مطالبو پر بنسټ لاندې پايلې تر لاسه کېدای شي:
ياد شعارونه د ماسونيت له تر ټولو مهمو او خطرناکو شعارونه څخه شمېرل کېږي او ګڼې معناوې لري. «هرم» د نړيوال مسيحيت د استازې په توګه د نړولو لپاره د کاتوليک کليسا د توطيې نښه ده او همدارنګه د يوې داسې سياسي ـ اقتصادي ديکتاتورۍ د رامنځته کېدو څرګندونه کوي چې مشري به يې نړيوال ماسوني حکومت کوي.
ماسوني محفل د «يهودي کلبد» (د حضرت سليمان عليهالسلام د کلبد) نښه ده.
زینه د ماسوني ايين او مراسمو نښه ده او همدارنګه هغې لارې ته اشاره کوي چې ماسون دويمې درجې، يعنې د «اهل صنعت» مرتبې ته پرې رسېږي.
«سپين پيش بند» د ماسوني غړي له لوري د هغې ټولنې پر وړاندې د ژمنو د يادونې نښه ده چې ورسره تړاو لري.
«تبر» د واک، ریاست او برلاسۍ نښه ده.
«مالج» (د بنايۍ اله) د ټولو ماسوني غړو تر منځ د يووالي نښه ده.
د منارې نسبول د ماسوني مرکزونو نښه ده او د نړۍ پر هېوادونو د هغوی د نظامي، سياسي، مالي او ديني واکمنۍ څرګندونه کوي.
ماسونيت په ډېر شدت سره د پخوانيو ملتونو او تمدنونو له شعايرو اغېزمن شوی دی او د هغوی د حقيقت په تحريف او بدلون سره يې دغو نښو ته د خپلو نړيوالو طرحو او پروګرامونو سره سم بدلون ورکړی دی؛ په ځانګړي ډول د هرم شعاير، مقدس کلبد «محفل» او د منارې نسبول.[۳]
(۲) له ماسوني دلالتونو سره د انسان د بدن د غړو سمبولونه
په تېر بحث کې مو هغه نښې او سمبولونه وڅېړل او وارزول چې عام وو او په محفلونو، مرکزونو او ټولنیزو ځایونو کې کارېدل او د ټولو خلکو تر سترګو لاندې وو، په دې بحث کې هغه نښانې او سمبولونه څېړو چې د انسان د بدن له غړو او اندامونو سره تړاو لري.
(الف) د سترګې نښه (شعار)
سترګه د لرې ختیځ په تمدنونو کې د لمر د ټولو خدایانو نښه وه؛ ځکه هغوی باور درلود چې دغه خدایان د لمر له لارې د ژوند بخښلو ځواک لري. همدارنګه سترګه د رڼا، نور، معرفت، عقل، بیدارۍ، ساتنې او د ټاکلي هدف د ترلاسه کولو لپاره د ټینګې ارادې نښه ګڼل کېږي.[۴]
د فراماسونرۍ په تفکر کې (په ځانګړي ډول هغه سترګه چې د هرم پر سر موقعیت لري او هر لوري ته وړانګې خپروي) دا نښه د «بصیر سترګې» سمبول دی چې هر ځای حاضره ده او پر وړو او لويو ټولو جزيیاتو واک لري. دا هماغه سترګه ده چې د «هر څه لیدونکې سترګه» بلل کېږي او لاندې معناوې لري:
(۱) د هغه جاسوسي او ترهګریز سازمان نښه ده چې د «ادم وایس هاوپت» له خوا رامنځته شوی دی.
(۲) د «حیرام ابیف» سترګه، هغه معمار چې د «حضرت سلیمان علیه السلام هیکل» یې جوړ کړی دی.
(۳) د شیطاني خدای «بافومت» سترګه.
(۴) د «مسیح دجال» سترګه، هغه څوک چې یهودیان یې د نړۍ د واکمنۍ د ترلاسه کولو لپاره په تمه دي، چې د نړیوال حکومت مشري په لاس کې واخلي او پر نړۍ ولکه ټینګه کړي.
دا نښه د نړۍ د ډېرو لویو شرکتونو، په ځانګړي ډول د امریکایي ـ صهیونیستي مخابراتي شرکتونو شعار هم ده، چې له ډلې یې د «ټایمر وارنر» شرکت یادولی شو. [۵]
دوام لري…
مخکینۍ برخه
سرچینې
[۱]. الموسوعة المصورة للرموز التقلیدیة، مخ ۴۱۵.
[۲]. إشارات، رموز و أساطیر، مخ ۷۴.
[۳]. دلالات الرموز والأرقام المقدسة في الفكر الماسوني، مخ ۲۱۷.
[۴]. الموسوعة المصورة للرموز التقلیدیة، مخ: ۲۰۵
[۵]. الیهود والماسون فی الثورات والدساتیر، والیهود والماسون فی ثورات العرب، مخونه: ۲۹–۳۰