لیکوال: عبیدالله نیمروزی
حضرت ابوبکر صدیق رضي الله عنه (څلورمه برخه)
د حضرت ابوبکر صدیق رضي الله عنه د فضیلت په اړه څو آیتونه او احادیث
د “غار” آیت
په دې آیت کې، د هجرت په سفر کې له رسول الله صلی الله علیه وسلم سره د حضرت ابوبکر صدیق رضي الله عنه ملګرتیا او د هغه بېساري فضیلت ذکر شوی دی.
«وَسَیُجَنَّبُهَا الأَتْقَی، الَّذِی یُؤْتِی مَالَهُ یَتَزَکَّی»
دا آيت د حضرت ابوبکر صدیق رضي الله عنه د مقام په اړه نازل شوی دی. کله چې حضرت ابوبکر رضي الله عنه اوه تنه مسلمانان، چې د اسلام راوړلو له امله د کفارو له لوري ځورول کېدل، وپېرل او آزاد یې کړل، او خپله ټوله شتمني یې د الله تعالی په لاره کې مصرف کړه، نو الله تعالی دا آیت نازل کړ او هغه یې “أتقی“ (یعني تر ټولو زیات پرهېزګار) ونوماوه.
حدیثونه
-
رسول الله صلی الله علیه وسلم وفرمایل:
«بېشکه، پر ما د ابوبکر رضي الله عنه احسان، هم په ملګرتیا او هم د شتمنیو په مصرفولو کې، له ټولو څخه زیات دی. او که ما پرته له الله تعالی، بل څوک د دوستۍ لپاره ټاکلی وای، نو خامخا به مې ابوبکر خلیل ټاکلی و. خو د اسلام ورورولي او دوستي برقراره ده.»
-
رسول الله صلی الله علیه وسلم وفرمایل:
«ما د هر چا د احسان بدله ورکړې، پرته له ابوبکره؛ د هغه بدله به الله تعالی د قیامت په ورځ ورکړي.»
-
رسول الله صلی الله علیه وسلم وفرمایل:
«زما په امت کې، زما پر امت تر ټولو مهربان سړی، ابوبکر رضي الله عنه دی.»
-
رسول الله صلی الله علیه وسلم ابوبکر رضي الله عنه ته وفرمایل:
«أنتَ صاحبي في الغار وصاحبي على الحوض.»
ژباړه: «ته په غار کې زما ملګری وې، او په حوض کوثر کې به هم زما ملګری یې.»
-
رسول الله صلی الله علیه وسلم وفرمایل:
«نه پوهېږم، چې زه به څومره وخت ستاسو په منځ کې پاتې شم، نو له ما وروسته د ابوبکر او عمر تابعداري وکړئ.»