پوښتنه: زه وېرېږم چې د حجاب له اغوستلو وروسته به خپله ښکلا له لاسه ورکړم!
ځواب: دا فکر مه کوه چې اسلام له تا غواړي چې زړې جامې واغوندې او بدرنګه ښکاره شې. رسول الله صلی الله علیه وسلم پخپله پاک انسان و او پاکوالي ته یې بلنه کوله. د اسلام دین هم د پاکو او ښکلو جامو د اغوستلو غوښتنه کوي.
د فرانسې د ښځو د فېشن او جامو تر ټولو مشهورې ډیزاینرې «لورا فابیان» ته غوږ شئ! وروسته له هغه چې خدای پاک هغه په اسلام مشرفه کړه، داسې یې وویل:
“که چیرې د خدای تعالی فضل او رحمت پر ما نه وای، نو زما ژوند به په داسې نړۍ کې ضایع شوی وای، چیرې چې انسان د حیوانیت په درشل کې دی… داسې انسان چې ټول ځواک یې د خپلو هیلو پوره کولو ته متمرکز دی، پرته له دې چې ارزښتونو ته غاړه کیږدي او اصولي اوسي.”
هغې دا خبره هغه وخت وکړه چې هغې پراخ حجاب اغوستی و، داسې جامې چې هیڅ ځوانه نجلۍ به په خوب کې هم نه لیدلې. هغې د فیشني جامو اغوستلو تجربه وکړه چې هره ښځه یې د اغوستلو هیله لري، مګر هغې پوهه شوه چې دا ټول، له یو دوکه کوونکي سراب څخه پرته، بل څه نه دي. ټول انسانان به بالاخره د خدای تعالی په وړاندې د حساب ورکولو لپاره ودریږي.
پوښتنه: زما لپاره لا هم ډېر وختي دی چې حجاب واغوندم؛ ځکه چې زه کم عمره یم!
By محمد فاتح