لیکواله: ام عایشه
په اسلام کې د ښځې مقام (دوه شپېتمه برخه)
په ټولنه کې د حجاب د نه کولو زیانونه
په کورنۍ کې د مشروع خوند اخیستلو په اړه د ځینو نارینهوو نه لیوالتیا له دې امله ده چې له کور څخه بهر بې حجابه ښځو ته لاسرسی اسانه وي. دا د دې لامل ګرځي چې د بې سرپرستو ښځو شمېر زیات شي.
د ښځو د آزادۍ او د پام وړ ټولنیز ګډون محدودېدل او د هغوی له رغنده او مهمو فعالیتونو څخه د ټولنې بې برخې کېدل هم د حجاب نه کولو له پایلو څخه دي. ځکه چې ستر نه کول، د ښځې سینګار او ځانښودنه د ناامنۍ، ټولنیز تاوتریخوالي، او د ښځو په وړاندې د تیري او ناوړه چلند لامل ګرځي. دا حالت د نارینه او ښځینه دواړو د ژوند، شتمنۍ او استعدادونو د ضایع کېدو سبب کېږي.
حجاب نه کول، په حقیقت کې پر حجاب ملنډې وهل دي. د حجاب نه رعایتول د لیدونکو احساسات او غرایز راپاروي، ذهني ګډوډي رامنځته کوي او د ارواپوهانو په وینا، اعصاب ګډوډوي چې د هر ډول فزیکي او رواني ناروغیو لامل کېږي.
د بې حجابي نورې ناوړه پایلې دا دي:
-
د فحاشۍ زیاتوالی.
-
د طلاق په کچه کې لوړوالی.
-
د امنیت احساس نشتوالی.
-
د کورنۍ د بنسټ ړنګېدل او په هغه کې د مینې او عاطفې له منځه تلل.
-
د ښځو ارزښت کمېدل او د نارینهوو اخلاقي انحراف.
دا ټولې ناخوالې په بې حجابه ټولنو کې په څرګند ډول لیدل کېږي.
په ټولنه کې د ټولنیزو اخلاقو سقوط
د حجاب نه اغوستل د ډېرو اخلاقي ناروغیو لامل ګرځي، لکه غرور، تکبر، لویي او د زړه قساوت او توروالی.
د شتمنو او پانګوالو د ګټې لپاره د ښځو کارول
بې حجابه ښځې، په خپله خوښه یا ناخوښه، د دښمنانو د پلانونو پلې کوونکې کېږي. هغوی د غرب کلتوري سرتېرې او د منافقینو او فریبکارانو د کلتوري اجنډا برخې ګڼل کېږي.
د واده په اړه د ځوان نسل بېپروايي
ځکه چې بصري او جنسي خوندونه د کورنۍ له چوکاټ څخه بهر اخیستل کېږي، ځوان نسل د واده په اړه بېپروا کېږي.
د حجاب نه کولو نور زیانونه
-
د بلوغ له وخت څخه مخکې راتګ او په ټولنه کې د جنسي اختلالاتو زیاتوالی.
-
د استعدادونو له منځه تلل، ځکه چې بې حجابه خلک خپل ټول پام ظاهري ښکلا ته اړوي او له خپلو واقعي استعدادونو څخه ګټه نه اخلي.
-
د اخروي عذاب خطر، د حجاب نه کولو په اړه ډېر احادیث او روایتونه شتون لري.
