په اسلام کې د ښځې مقام (څلورمه برخه)

لیکواله: ام عائشه

په اسلام کې د ښځې مقام (څلورمه برخه)

د ښځو د دندو د پیژندلو سرچینه

ایا د نارینه وو لپاره دا عادلانه ده چې د ښځو ژوند طريقه ځان ته جوته کړي؟ ایا دا مناسبه ده چې هغه نارینه چې د شهواني، نفساني انګیزې او غیر حقیقي جذبو سره ژوند کوي، د ټولنې د نیمې برخې د دندو او د ژوند طرز ټاکوونکي اوسئ؟ او آیا دا ممکنه ده چې د یوه طبقې او یو جنس برخلیک د مخالف جنس غوښتنو، هیلو او تمایلاتو ته پریږ دي؟

لکه څنګه چې مو ولوستل، په پخوانیو او معاصرو ټولنو کې ښځې تل د نارینه وو د ځان غوښتنې او استبداد قرباني شوي دي. له دې توپیر سره چې په پخوانیو ټولنو کې د نارینه وو ظلم له ښځو سره او د هغوی چلند د دې لامل شو چې دا هېر کړي چې ښځې انسانانې دي او په معاصرو ټولنو کې د ښځو د دفاع له لارې او دا چې دوی د نارینه وو څخه توپیر نلري، او داسې څرګنديږ چې دوی د یوې ښځې په ښځې توب باور نه کوي چې خالق یې د خپلو ښځینه ځانګړتیاوو سره پیدا کړی. سربیره پردې، لکه څنګه چې یادونه وشوه، د ښځو د دفاع شعار هم یو منافق او بې بنسټه شعار دی

له همدې امله په دې مسله کې د تاریخ په اوږدو کې د ظلم او بې عدالتۍ څه پیښه شوی، هغه د انسان په وړاندې د بشریت د ارادې او فیصلې د تحمیلولو پایله ده. او دا باید ومنو چې هر هغه تفسير او شننه چې د ښځې عزت او لوړ مقام ته د سپکاوي او توهین لامل ګرځي، که څه هم د مذهبي او دیني جوړښت له مخې وي، له عدل او انصاف څخه لرې دی. ځکه چې ښځه له دې څخه ډېره لوړه ده، حتی په دیني او اسلامي ټولنو کې باید د هغې حرمت او کرامت د فقهې د خوښې وړ نظریاتو قرباني شي،  او یا دا چې، د ټولنې د بلې طبقې (ځوانانو) د تنظیم کولو او د دوی د ستونزو د حل لپاره، د فساد او بې حیایۍ د مخنیوي په نوم د ښځو کرامت او ارزښت باید له پامه وغورځول شي او د ښځو د حیثیت او کرامت د تر پښو لاندې کولو په څېر دې، په ټولنه کې د ځینو ستونزو د حل لپاره کار واخیستل شي.

نو د ښځو د وظیفو د ارزونې او د هغوی د ژوند د طریقې د تشریح کولو لپاره باید د انسان له عقلي منابعو پرته بله سرچینه ولټوي او د هغه ذاتي احکام او تعلیماتو ته مراجعه وکړي چې د نارينه او ښځو خالق او د ټولو کائنات خالق دی. او د هغه علم د ټولو مخلوقاتو د مصلحیتونو په اړه جامع دی، هغه ذات  چې د نارینه او ښځو په اړه فرمايې: «يا أَيُّهَا النَّاسُ إِنا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُم»؛ ژباړه: «اې خلکو! موږ تاسو له نر او ښځې څخه پیدا کړي یاست او تاسو مو په قومونو او قبیلو ویشلي یاست تر څو یو بل وپيژنئ؛ بېشکه، د الله په نزد په تاسو کې تر ټولو ښه هغه څوک دی چې پرهېزګار وي.»

هغه ذات چې، د انسانانو د غوره والي معیار د هغه په نزد تقوی، ایمان او نیک عمل، اخلاق او نیک کردار، علم او پوهه، صداقت او دينداري ده. هر نر او ښځه په اخرت کې د خپلو نیکو اعمالو په اندازه د اجر مستحق دی او د هغه په استحقاق کې، د نر او ښځې تر منځ هیڅ توپیر نشته. خدای تعالی فرمایي: «فَاسْتَجَابَ لَهُمْ إِنِّي لَا أَضِيْعَ عَمَلَ عَامِلٍ مِّنْكُمْ مِنْ ذَكَرٍ أَو أُنثَى بَعْضُكُم مِنْ بَعْضٍ…»؛ ژباړه: د دوی رب د دوی دعا قبوله کړه او ځواب یې ورکړ چې زه به د هیچا عمل نه ضایع کوم، هغه ښځه وي یا نارینه، ستاسو ځینې له ځينو نورو څخه دي (او تاسو ټول د یو ډول او جنس څخه یاست).

ښځه د خپل فطرت سره

د دې حقیقت په منولو چې اسلام دين د انسان له فطرت سره سمون خوري، لکه څنګه چې الله تعالی فرمايي: «فَأَقِمْ وَجْهَكَ لِلدِّينِ حَنِيفاً فِطْرَةَ اللَّهِ الَّتِي فَطَرَ النَّاسَ عَلَيْهَا لا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمْ وَلَكِنَّ أَكْثَرَ النَّاسَ لا يَعْلَمُون»؛ ژباړه: «نو ته خپل مخ دين ته نېغ او (برابر) وساته، په داسې حال کې چې حق ته مايل اوسې، (تاسو لازم ونيسئ) د الله هغه فطرت لره چې په هغه يې انسانان پیدا کړي دي.، د الله تخلیق لره هېڅ بدلون نشته همدغه سم (نېغ) دين دی، مګر ډېر خلک نه پوهېږي!»

اسلامي احکام او حل لارې تل له فطرت سره سمون خوري او دا د انسانانو د پیدایښت هدف سره سمون لري. ځکه چې خدای تعالی د انسان خالق او د هغه د فطرت خالق دی، د فطرت د خالق لخوا صادر شوي احکام او توجیهات د فطرت سره همغږي لري. که څه هم د فطرت په پېژندولو کې خلک تېروتنه کوي او ښايي د همدې ناپوهۍ له امله هغه څه ته مخه کړي چې د فطرت خلاف وي او په یقیني توګه په نړۍ کې د فطرت ضد نظریات او هغه حرکتونه چې له فطرت سره مخالف دي، لامل يې همدا ناپوهي ده. هغه دریځونه چې د تاریخ په اوږدو کې د ښځو په اړه نیول شوي دي له دې اصولو څخه مستثنی نه دي او اکثره وخت د انسان فکري سرچینې په دې مسله کې له فطرت سره په ټکر کې دي او په پایله کې یې د ټولو انسانانو په ژوند کې ترخې پایلې رامنځته کړي دي. او برعكس د خداى د وحي هغه سرچينې چې د الهي كتاب او نبوي احاديثو په دائره كې محدود دي (د مشروط صحيح استنباط ) تل په دې مسله کې مخکښ پاتې شوي او ګټورې پايلې لري.

ادامه لري…