فمینیزم (نهه ویشتمه برخه)

لیکوال: ابوریان عزیزي

فمینیزم (نهه ویشتمه برخه)

 د څو مېرمنو د منع کولو پایلې

 که موږ فرانسې ته وګورو، پوه به شو چې عادي خلک په خپل ځای، بلکه د دوی مشران او سیاستوال ډیرې معشوقې او پټې ملګرې لرې او په داسې حالت کې، لاهم د کلیسا لخوا  د دوی درناوی او ستاینه کیږي.

 د څو مېرمنو د ودولو قانون د انسانانو طبیعي قانون دی او دا قانون به تر هغه وخته پورې موجود وي چې انسانان موجود وي او هغه موخه چې کلیسا یې د تعدد د منع کولو له لارې تعقیب کوله، نه ده ترلاسه شوې بلکې دا مسله بیا تکرار شوه او د ښځو بې عزتي وشوه.

 د مونوګامي یا یوې مېرمنې د لرلو نظریه او د څو مېرمنو منع کول، چې عیسویت او لویدیځ یې په ښکاره توګه تعقیبوي، په دریو ځایونو کې خپلې ویجاړوونکي پایلې څرګندوي:

 لومړی: د فحاشۍ وده؛

 دوهم: زیات شمیر ښځې بې واده پاتې کیږي.

 دریم: د ناروا زیږون زیاتوالی.

 او تر هغه وخته چې په اسلامي هېوادونو کې بشپړ اسلامي شريعت نافذ وو، دغه ټولنيزې ناروغۍ چې ناوړه اخلاقي اغېزې هم لري، ناپېژنده وې؛ خو کله چې په اسلامي هېوادونو کې دغو ناخوالو وده وکړه او دغو هېوادونو په خپلو ټولنو کې د لويديځ دودونه پلي کړل، نو په دغو هېوادونو کې هم ښځې د ظلم او زیاتي ښکار شوې.

 د «الاسلام» په کتاب کې چې «شمتز دوملان» یې لیکوال دی، راغلي دي چې کله «ډاکټر مفروکو ریداتو» په ۱۸۲۷ کال کې د طب د زده کړې لپاره له استانې ښار څخه برلین ته ولاړ، په دې وخت کې د عثماني امپراتورۍ په پلازمېنه کې یوه فاحشه خانه هم نه وه؛  خو کله چې بیرته راستون شو وضعیت بدل شوی و او همدا لامل و چې د عثماني دولت لومړی وزیر  “رشید پاشا”  په خواشینۍ سره وویل چې موږ خپل ماشومان اروپا ته لیږو چې هلته لاړ شي او د دوی د پرمختګ رازونه ومومي؛ مګر کله چې دوی بیرته راستانه شي، د هغوی نیمګړتیاوې او ناروغۍ دلته را لیږدوي .

اوس راځئ وګورو چې ايا اسلامي نظام د کثرت ودونو ته په اجازې ورکولو سره اخلاقو ته نږدې دى چې د شهوتونو کنټرول او د ښځې د عزت ساتنه کوي او که لويديځ نظام چې څو ودونه یې حرام کړي او د ناروا اړيکو بازار يې تود کړى دى؟

 دا ثابته شوې ده چې هر کله چې چا په زوره د څو ودونو یا مېرمنو د قانون د منع کولو هڅه کړې، نو د ارزانه معشوقو د بازار په کنټرول کې پاتې راغلي دي.

 په یوه عربي هیواد کې یو سړی د څو واده کولو په تور ونیول شو، د سړي وکیل وکولای شو ثابته کړي چې موکل یې له لومړۍ میرمنې پرته بله ښځه نه لري؛ بلکي دا ښځه چي مؤکل یې ورسره ويده و يوه بهرنۍ ښځه او د هغه ملګرې وه، په دې دليل يې سمدستي تورن خوشي کړ او بښنه يې وغوښته.

 هغه ته برائت ورکړل شو، ځکه چې په ځینو عربي هېوادونو کې د فرانسې د قانون له مخې هېڅوک د زنا په جرم نه نيول کېږي، پرته له دې چې له خپلې مېرمنې سره خيانت وکړي.

 له بده مرغه په ​​ځینو اسلامي هیوادونو کې هم دا ډول قوانین شته.

 ادامه لري…