همجنسبازۍ «همجنسپالنه» (اوومه برخه)

لیکوال: اسماعیل ساراني

همجنسبازۍ «همجنسپالنه» (اوومه برخه)

یوې پوښتنې ته ځواب

د همجنسپالنې ډېر پلويان د همجنسپالنې د طبيعې ښودلو لپاره د جينوم او وراثت موضوع راپورته کوي، که څه هم يو وخت ساينس پوهانو او ارواپوهانو دا يو ډول رواني اختلال او ناروغي ګڼله، خو نن د هغه جنتیکي والي په اړه خبرې کیږي؛ د مثال په ډول د امریکا د ارواپوهانو ساینسې ټولنې (APA) تر 1974 پورې هغه یو رواني اختلال ګڼل، چې د هغه وروسته هغه یې د رواني اختلالاتو او ناروغیو له ډلې څخه لرې کړه، او د هغه د جنتیکي والي او وراثت په اړه خبرې پیل شوې.

د وراثت سره د همجنسپالنې د تړلو لومړۍ هڅه د ارواپوهنې ډاکټر «فرانز جوزف کالمن» لخوا پېل شوه.

۱. د غبرګ ماشومانو کتنه:

فرانز جوزف کالمن د غبرګولیانو په اړه یوه څېړنه وړاندې کړه او دې نتیجې ته ورسېد: “چې که د غبرګولیانو څخه یو همجنسباز وي، بل به هم همدارنګه وي”؛ يعني په جنسي تمایل کې د موافقت تناسب سل په سلو کې دی، خو په دې څېړنه کې د هغه دروغ ډېر ژر په ډاګه شول؛ لکه څنګه چې فیلسوف او قانون پوه «اډوارډ اشتاین» د فرانز په څېړنه نیوکه وکړه او ویې ویل: “هغه د دې حقیقت لپاره هیڅ دلیل نه دی وړاندې کړی چې تر څېړنې لاندې غبرګولیان عملاً په وراثتي ډول سره ورته دي.”

د هغه د څیړنې وروسته، نورې څیړنې رامنځته شوې، چې په ورته لارې کې یې حرکت کاوه، مګر د جین(وراثت) او همجنسپالنې ترمنځ یې هیڅ اړیکې اثبات نه کړې؛ او په 2011  کال کې ډاکټر «نیل وایتهید» په خپل څېړنه کې وايي: “د محاسبه شوي جینونو د کسر د کوچنيوالي له امله، باید ووایو چې خلک په اصل کې دا ډول (همجنسپالان) نه زیږېدل کیږي. “

لارنس مایر، د بیولوژي ساینس پوه او پاول مک هوګ یو ارواپوه، په 2016 کې د همجنسپالنې په اړه د څیړنې عمومې بیاکتنې وروسته، خپلې پایلې داسې بیان کړې: “په لنډ ډول سره ویلی شو چې هیڅ ساینسي دلیل شتون نلري چې ثابت کړي چې جینونه د خلکو جنسي تمایل ټاکي … او دغه حقیقت چې «دا د انسانانو لپاره طبیعي دی او د بیولوژیکې پلوه ثابته شوې، او خلک پدې ډول زیږېدلي دي»  د علمي دلایلو څخه پرته دی. “

۲- د جنیټیک علم:

په دې برخه کې لومړنۍ هڅې په ۱۹۳۳ کال کې د جینونو پوه «دین هَمر» لخوا پیل شوې. هغه د 40 همجنسبازانو جوړه معاینه کړه او د دې څیړنې پایلې دې ټکې ته ورسیدې چې د ایکس کروموزوم او د 28Xq جینیټیک او همجنسپالنې تر مینځ احتمالې اړیکه شتون لري، مګر هغه دا ادعا ونه کړه چې دا د همجنسپالنې لامل دی، بلکې هغه ادعا وکړه چې یو ممکنه اړیکه شتون لري. خو د دین همر له څیړنې وروسته ډاکټر جورج رایسو او د هغه څیړنیز ګروپ ورته څېړنه په پراخه کچه ترسره کړه او د څیړنې په پای کې یې وویل: «دا څرګنده نه ده چې ولې زموږ پایلې د «همر» د پایلو سره بشپړ توپیر لري. زموږ څېړنه د دین هَمر او د هغه د همکارانو د څیړنې په پرتله خورا پراخه وه. موږ په ورته کچه د جنتیکې اغېزې موندلو لپاره کافي ځواک درلود لکه څنګه چې په دې څېړنه کې بیان شو، او سره له دې، زموږ موندنې د جنسي تمایل او د 28Xq جنیتک باندې د لوړې اغېزې څخه ملاتړ نه کوي.»

په 2012 کې ترټولو لویه هڅه د همجنسپالنې اړوند جینونو ټاکلو لپاره ترسره شوه، چې د امریکا د بشري جینیتیک ټولنې په 23,000 خلکو ترسره کړ – په یاد ولرئ چې دا 23,000 خلک دي، نه څو سوه کسان. او پایلې یې په لاندې ډول وې: «یو ګډ دلیل د جنسي هویت او په نارینه او ښځینه کې د ایکس کروموزوم په اړه د واحد نوکلئوتیدونو (SNPs) توپیر یا ګډې نمونې د جینومیک اهمیت سره نه دې موندل شوي.»

په 2015 کې، همدغه اتحادیې د کالیفورنیا پوهنتون څخه یوه څېړنه وړاندې کړه، چې لنډیز یې، لکه څنګه چې د تلګراف ورځپاڼې لخوا تشریح شوی، په لاندې ډول دی: «همجنسپالنې د زیږون وروسته د چاپیریال له امله رامینځته کېدای شي.» په 2010 کې په یوه لېدنه کې، د جان هاپکنز روغتون کې د رواني ناروغیو د څانګې مشر ډاکټر پاول مک هوګ، چې له 40 کلونو راهیسې د همجنسپالنې درس ورکوي، په دې اړه د هغه نظر وپوښتل شو، او هغه په ​​​​لاندې ډول ځواب ورکړ:

«لکه څنګه چې ما مخکې وویل، د همجنسپالنې جین په څیر هېڅ شی شتون نلري، او داسې نور لاملونه شته چې د بیولوژي په پرتله ډېر اغېزمن دي. البته، غوره معلومات د فرامنګهام د څیړنې پورې اړه لري.»

«که څه هم ډیری جنتیکې، هورمونې، رشدې، ټولنیز او کلتورې څیړنو د جنسي تمایل په اړه ترسره شوي، خو هیڅ یوې موندنې، ساینس پوهانو ته ندي څرګند کړي چې جنسي تمایل د یو ځانګړي لامل یا د لاملونو یوې ځانګړې مجموعې لخوا ټاکل کیږي.»

ډاکټر لارنس او ​​مک هوګ د 28Xq جین په اړه د «سانډرز» وروستي څیړنې ته په کتنې کې وايي: « څرنګه چې دغه اغېزه کوچنۍ ده، نو ویلای شو چې جنتیکي لامل د جنسي تمایل لپاره مناسب شاخص نه شي کېدلای.»

حتی که فکر وکړو چې جین اغېزه لري، خو بیا هم د هغه اغېزه د روزني، بیولوژیکي او چاپیریال لاملونو په وړاندې خورا کمزورې ده.

ډاکټر نیل وایتهید، بیولوژیست او احصایه پوه په دې اړه وايي: «په خورا خوشبینانه حالت کې، وراثت یو کوچنی عامل ګڼل کیږي […] په شخصي چلند باندې د جینونو اغېزه خورا کمزورې ده، ځکه چې جین پروټینونه جوړوي، نه انتخاب. “

ادامه لري…