د اسلام دښمنان او فمینیسټان د الله تعالی له دې وینا څخه چې په دې آيت کي فرمایي:«واضربوهن» د ځان لپاره د پلمې په جوړولو سره د اسلام تعالیم او لارښوونې تر پوښتنې لاندې راولي او د دې شکونو او شبهاتو په مطرح کولو سره غواړي نوی نسل ( مسلمان ځوانان او انجونې) ګمراه کړي.
په داسې حال کې چې منطقي تحلیلونه او رښتینې تجربې ثابتوي چې د اسلام له لوري نارینه ته ورکړل شوې رهبري د سالم او نېکمرغه ګډ ژوند لپاره تر ټولو غوره حل لاره ده.
کله چې حکمت د ګډ ژوند د مسؤوليتونو د وېش په بحث کې همدا غوښتنه کوي، چې خاوند د کورنۍ مشر او د ټولو اړخونو مسئول دی، نو دا غوښتنه هم کوي، چې هر يو يې پر يو بل حق ولري، د خاوند د حقونو څخه دا ده چې ښځه چې ښځه د هغه اطاعت وکړي او د هغه د امر نافرماني ونه کړي، البته، تر هغه چې میړه یې د ګناه کولو غوښتنه ونه کړي یا د خدای تعالی کوم حق ضایع نشي.
لکه څنګه چې د هرې ټولنیزې مؤسسې لپاره اړینه ده چې د کار خاوند د دې ادارې د سیسټم د جوړولو واک ولري ترڅو وکولی شي د دې مؤسسې یا بنسټ نظام او ترتیب برابر کړي ترڅو د هغه بنسټ یا مؤسسې د سقوط لامل نه شي، په یوه مؤسسه کې د یووالي ساتلو لوی راز د هغه مؤسسې د مشر څخه د غړو اطاعت کول دي، چې د ټاکل شوي چوکاټ څخه وتل د نافرمانۍ په نوم یادیږي، کوم چې کولی شي د دې نسخه ګډوډه او ویجاړه کړي.
د انسان فطرت داسې دی چې غواړي ازاد واوسي او د هیچا اطاعت و نکړي، نو تر څو چې پر خلکو ټولنیز او مادي اصول او مقررات وضع نه شي، دا ټولنیز او انساني بنسټونه به له سقوط سره مخ وي.
او د روزنې او انضباط د وسایلو کارول د هغه قواعدو څخه دي چې د ډلې یووالي ساتي ترڅو څوک نافرماني او سرغړونه ونه کړي او له اطاعت څخه و نه وځي، د روزنې او انضباط وسایل هغه موارد دي چې په انساني عرف او دود کې پېژندل شوي وي، د تأدیب او روزنې و سایلو د کارولو لارې چارې ډېرې دي، ترڅو خلک د اړتیا په صورت کې هغه وکاروي او تر واک لاندې خلک د مشر څخه د اطاعت په لاره کې تر نظارت لاندې وساتي، دا وسیلې ځینې وختونه هڅونکي اړخ لري، ځینې وختونه دوی د یو څه شدت سره مل وي او ځینې وختونه هم تاوتریخوالی لري.
ځینې مشران یوازې د تشدد او تاوتریخوالي طریقه کاروي، چې په پایله کې د ناکامۍ سبب کیږي، او ځینې نور یوازې له نرمۍ څخه کار اخلي، په دې حالت کې سرکشه خلک سرغړونه کوي او د ګمراهۍ لوري ته درومي او له هغه څخه واکمني اخلي.
لیکوال: ابوریان عزیزي
By محمد فاتح