اسلامي عقاید؛ د ماشومانو ډېوه (څلور ویشتمه برخه)

لیکوال: ابو جریر

اسلامي عقاید؛ د ماشومانو ډېوه (څلور ویشتمه برخه)

۱۴- پوښتنه: که نکاح ونکړو څه مشکل لري؟

ځواب: “عن ابي هریرة (مرفوعا) لعن الله المتبتلین الذین یقولون لا نتزوج والمتتلات الا تي یقلن ذلک” (کنزالعمال).

ژباړه: له ابي هریره رضي ‌الله‌ عنه د نبي اکرمﷺ ارشاد دی: چې الله ﷻ لعنت ویلی دی په هغه نارینه وو چې وایي موږ واده نکوو، همدارنګه د الله ﷻ لعنت دې پر هغه ښځو وي چې وایي واده کول نه غواړو.

۱۵- پوښتنه: د چهارپایانو (حیواناتو) سره باید څه ډول چلند وکړو؟

ځواب: اتقوا الله في هذه البهائم المُعْجَمة، فاركَبُوها صالحة، وكُلُوها صالحة».

ژباړه: له رسول الله ﷺ نه روایت شوی دی چې ویلي یې دي: تاسو د دې بې ژبې حیواناتو په باره کې له الله ﷻ ووېرېږئ یعنې په هغوی ظُلم مکوئ، په سمه طریقه پرې سواره شئ او په سمه طریقه یې پرېږدئ.

۱۶- پوښتنه: یو مسلمان د بل مسلمان لپاره څه حیثیت لري؟

ځواب: المُؤمِنُ أخُو المُؤمِنِ ؛ مِن حَيثُ يَغيبُ يَحفَظُهُ مِن وَرائِهِ ، ويَكُفُّ عَلَيهِ ضَيعَتَهُ.”

ژباړه: مسلمان د بل مسلمان هينداره ده او  مسلمان د مسلمان ورور دی د مسلمان د حیثیت او عزت ضایعه کېدلو یې په غیاب کې حفاظت کوي.

۱۷- پوښتنه: یو مسلمان د بل مسلمان سره څه ډول ارتباط لري؟

ځواب: “المؤمنونَ کَرَجُلٍ واحدٍ اِنِ اشتکی عینَهُ اِشتکی کُلُّهُ و اِنِ اشتکی رأسُهُ اِشتکی کُلُّهُ».

ژباړه: مسلمانان د یو بدن په څېر دي که یې سترګه درد وکړي ټول بدن یې درد کوي او که سر یې درد وکړي ټول بدن یې درد کوي.

۱۸- پوښتنه: بهترین جهاد کوم جهاد دی؟

ځواب: “أفضلُ الجهادِ كلمةُ عدلٍ عند سُلطانٍ جائرٍ”(ترمذي ۳۲۱).

ژباړه: بهترین جهاد د ظالم پاچا په وړاندې د حق خبره کول دي.

۱۹- پوښتنه: د عُمر کومې برخه کې نیک اعمال غوره دي؟

ځواب: په هر حالت کې غوره عملونه ښه دي، خو “إنَّما الأعْمالُ بالخَواتيمِ” (متفق علیه).

ژباړه: دار او مدار د اعمالو د انسان له خاتمې سره دي. نو نپوهېږو چې د ژوند خاتمه مو څه وخت ده باید تل تیار و اوسو.

۲۰- پوښتنه: دین څه ډول خلګو ته معرفي کړو؟

ځواب: “عَنْ أَبِى هُرَيْرَةَ رضي الله عنه عَنِ النَّبِىِّ صلى الله عليه وسلم قَالَ:( إِنَّ الدِّينَ يُسْرٌ ، وَلَنْ يُشَادَّ الدِّينَ أَحَدٌ إِلاَّ غَلَبَهُ ، فَسَدِّدُوا وَقَارِبُوا وَأَبْشِرُوا ، وَاسْتَعِينُوا بِالْغَدْوَةِ وَالرَّوْحَةِ وَشَىْءٍ مِنَ الدُّلْجَةِ)(واه البخاري).

ژباړه: حضرت ابي هریره رضي ‌الله ‌عنه له رسول الله ﷺ څخه روایت کړی چې رسول ﷺ فرمایلي دي: دین آسان دی هېڅ کله چا په دین کې سختي نده کړي مګر دا چې په پای کې مغلوب شوی دی، د سمې لاري غوښتنه وکړئ د افراط او تفریط په مینځ نږدېوالی وغواړئ د سمې لارې زیری ورکړئ او تل د مرستي غوښتنه وکړئ د سهار او ماښام په وخت کې، یعنې تل په ټولو امورو کې له الله تعالیٰ جل جلاله څخه د مرستې غوښتنه وکړئ.

۲۱- پوښتنه: د تأدیب لپاره په مخ وهل څه حُکم لري؟

ځواب: (نهى رسول الله – صلى الله عليه وسلم – عَنِ الضَّرْبِ في الوَجْهِ، وَعَنِ الوَسْمِ في الوَجْهِ)(مسلم).

ژباړه: حضرت جابر رضی الله‌ عنه له رسول ﷺ څخه روایت کړی چې حضرت رسول ﷺ په مخ له علامو او وهلو نه منع کړي ده.

۲۲- پوښتنه: د مسلمان قتل او کنځل کول څه حُکم لري؟

ځواب: “عَنْ عَبْدِ اللَّهِ، قَالَ سِبَابُ الْمُسْلِمِ فُسُوقٌ وَقِتَالُهُ كُفْرٌ”(بخاري).

ژباړه: حضرت عبدالله بن مسعود روایت کړئ چې رسول ﷺ وفرمایل: مسلمان ته کنزا کول فسق او قتل کول یې کُفر دی.

ادامه لري…