شیطان‌پرستي (دوه ویشتمه برخه)

لیکوال: عبدالحي لیان

شیطان‌پرستي (دوه ویشتمه برخه)

د شیطان‌پرستۍ د خپرېدو لاملونه
د نړۍ په ټولو برخو کې د شیطان‌پرستۍ خپرېدل، د جرمونو په بیلابیلو بڼو سره پراختیا، او همدارنګه د دې فرقې لخوا د فزیکي، اخلاقي (قتل، جنسي تېری، سپکاوی، د موسیقۍ خپرونه، او نور)، رواني او روغتیایي زیانونو (لکه د نشه‌يي توکو او الکولي مشروباتو کارونه)، او دیني او تربیتي زیانونو (کفر، الحاد، ضدیت، او له دین سره ملنډې وهل) ټولنې ته یو هراړخیز ګواښ جوړوي.

شیطان‌پرستۍ ډلو ته د خلکو تمایل، د هغوی جذب، او د بېلابېلو ګروپونو جوړېدو لاملونه څېړل د ټولنې لپاره اړین او ضروري دي. د ښې پایلې ترلاسه کولو لپاره مو د شیطان‌پرستۍ د خپرېدو لاملونه په لاندې ډول په دوو برخو تحلیل کړي دي:

په غیر اسلامي هېوادونو کې د شیطان‌پرستۍ د خپرېدو لاملونه

غیر اسلامي هېوادونه په عمومي توګه، او غربي هېوادونه په ځانګړې توګه، د شیطان‌پرستۍ ډلو او افکارو د خپرېدو او جوړېدو لپاره تر ټولو مناسب ځای ګڼل کېږي. په دې ځایونو کې د شیطان‌پرستۍ د ځای پر ځای کېدو اصلي لاملونه په لاندې ډول دي:

مقدس کتاب

په غربي ټولنه کې زیاتره خلک مسیحیان او لږ شمېر یې یهودیان دي. اهل کتاب (تورات او انجیل) سپېڅلي ګڼي او له هغو څخه خپل اعتقادي ريښې اخلي. دا په داسې حال کې ده چې په دواړو عهدونو کې د شیطان دریځ د ستاینې سره ښودل شوی دی. د بیلګې په توګه، په زوړ عهد کې شیطان د فرښتې په توګه معرفي کېږي چې انسان ته د پوهې ونې ته د ورتګ مشوره ورکوي.

دا نظر د دې لامل شو چې ځینې خلک شیطان د عقل او پوهې د مظهر او معرفت ته د انسان د لارښود په توګه ومني. دغه خرافي افکار ورو ورو په غربي ادبیاتو کې منعکس شول.

له دې امله، د شیطان په اړه دغه ډول مفکوره په غرب کې د «شیطاني ایډیالوژۍ د جوړښت» پیلامه شوه او په دې توګه شیطان د عقل او شعور د مظهر په توګه معرفي شو، چې خلکو یې منل پیل کړل.

د کلیسا د مشرانو فساد

د کلیسا او د هغې د فرعي څانګو د مشرانو فساد دومره پراخ شوی و چې نن ورځ حتی هغوی ته نږدې کسان یې هم دا مني. د «معاصرو فکریه مذهبونو» د کتاب د څېړنې له مخې، په یوه وخت کې د کلیسا مشرانو پر خلکو داسې پراخ کنټرول درلود چې د دین په نامه یې له هېڅ ډول ظلم او ستم څخه ډډه نه کوله.

د درنو مالیاتو شتون، له نویو علمونو او افکارو سره جګړه، د ډېرو پیسو په بدل کې د ګناهونو د بښنې پلور، د جنت د اسنادو پلور، د انجیل تحریف، او بې‌حده اخلاقي فساد د دوی د ظلمونو څرګند مثالونه دي چې په تاریخ کې ثبت شوي دي.

یو له تورو اعمالو څخه چې د کلیسا مشرانو ترسره کړی، د «عقیدې د تفتیش محکمو» جوړېدل دي. د موجودو سرچینو له مخې، په دغو محکمو کې درې سوه زره کسان محاکمه شوي، چې له دې ډلې څخه دوه دېرش زره کسان ژوندي سوځول شوي دي.

د کلیسا د مشرانو دغه ټول ناوړه کړنې، او د هغوی اخلاقي او اقتصادي فساد، د دې لامل شو چې خلک له کلیسا، دین، مذهب، او هر هغه څه څخه چې مذهبي رنګ یې درلود، وتښتي.

له همدې امله، د دې خلا د ډکولو لپاره، ټولنې په تدریجي ډول هر هغه څه ومنل چې غیر مذهبي وو، او ځینو یې شیطان‌پرستۍ ته مخه کړه.

د الحادي او بې‌قیدو افکارو خپرېدل

د کلیسا د مشرانو د فساد یوه پایله په غربي ټولنه کې د الحادي او منحرفو افکارو خپرېدل دي. د دې الحاد او انحراف پایله په چلند کې بې‌قیدي وه. دغه افکار، چې د نیچه، راسل، فروید او دوی ته ورته متفکرینو لخوا معرفي شوي وو، په پراخه کچه خپاره شول او د لوېدیځې ټولنې یوه ځانګړنه وګرځېدل. جوړ شوی چاپېریال د شیطان‌پرستۍ د ودې زمینه برابره کړه. په تېره بیا، الحاد، د دین سره ضدیت، او بې‌قیدي د ټولو منحرفو حرکتونو ګډې ځانګړنې دي او په شیطان‌پرستۍ کې هم بنسټیز رول لوبوي.

یهودیان

د یهودیانو او شیطان‌پرستانو تر ټولو لوی اشتراک د مسیحیت سره د دوی دښمني ده. یهودیان وتوانېدل چې د “یهودي پولس” په واسطه د مسیحیانو په منځ کې ځینې خرافات د مسیحیت د دین په بڼه رواج کړي؛ لکه شرک، تثلیث، د صلیب عقیده، د مسیح د دین نړیوالتوب، رباني عشاء، د تعمید غسل، او نور.

په انساني ټولنو کې د خرافاتو او الحاد وده د یهودیانو په تاریخ کې یوه ثبت شوې پېښه ده. په معاصره نړۍ کې، د الحادي او غیر دیني افکارو خپرېدل د یهودیانو د ځانګړو تدوین شویو پالیسیو پایله ده. د صهیونیستانو د مشرانو په پروتوکول کې راغلي دي:

«غیر یهودیان د ځوانۍ له پیله زموږ د جاسوسانو لخوا بې‌اخلاقه او بې‌قیده روزل کېږي. د ښځو په مرسته، غیر یهودي نارینه په کلپونو او عشرت‌ځایونو کې اخلاقي فساد ته هڅوو او د عفت او اخلاق له لارې یې راګرځوو. پام وکړئ چې موږ څنګه د داروینیزم، مارکسیزم، او نیچه‌ایزم په ترویج کې بریالي شو.»

“فراماسونري” سازمان یو له خورا خطرناکو معاصرو الحادي پټو خوځښتونو څخه دی چې د یهودیانو لخوا په خورا پټ ډول اداره کېږي. د دوی تر ټولو مهم فعالیتونه د فساد، بې‌اخلاقۍ، او الحاد ترویج دی. د دې صهیونیستي پټ سازمان اهداف د شیطان‌پرستۍ له موخو سره همغږي لري. له همدې امله، ځینې په دې باور دي چې شیطان‌پرستي په حقیقت کې د نړۍ د فراماسونري سازمان یوه څانګه ده. په ځانګړې توګه دا چې لومړنۍ شیطاني کلیسا د یهودي آنتوان لاوي لخوا جوړه شوې وه.

د معنویت نشتوالی

په انسانانو کې د ایمان او معنویت نشتوالی یوه ډول خلأ رامنځته کوي. د پورته ذکر شویو لاملونو سربېره، په غیر اسلامي هېوادونو کې د شیطان‌پرستۍ د خپرېدو یو بل مهم لامل د سیکولار او مادي ارزښتونو باندې ټینګار دی.

دین او معنویت ته شا کول او پر عقل‌محورۍ ټینګار د دې سبب شوی چې خلک په معنوي لحاظ له منځه ولاړ شي. کله چې ځوانان له دې ننګونو سره مخ شي، د خطر کچه نور هم لوړېږي؛ ځکه چې دوی د دې خلأ د ډکولو لپاره د شیطان‌پرستۍ په څېر انحرافي جریانونو ته مخه کوي.

جادوګري

د منځنۍ دورې په وروستیو پیړیو کې د جادوګرۍ پراختیا او په اروپایي دربارونو کې د جادوګرانو فوق‌العاده نفوذ د عصري شیطان‌پرستۍ بنسټونه کېښودل.

په هغه وخت کې، جادوګرانو د “سابات” په نوم ډلې جوړې کړې او په ښکاره یې د مسیحیت او د هغه د تعلیماتو پر وړاندې مبارزه پیل کړه. هغوی د شیطان او شیطانانو سره خپلې اړیکې په ډاګه ومنلې.

په اروپایي دولتونو کې د جادوګرانو د نفوذ له امله، کلیسا د هغوی پر وړاندې جدي مبارزه پیل کړه. خو د کلیسا افراطي چلند د جادوګرانو د ودې او پراختیا سبب شو. په پایله کې، جادوګرانو په ښکاره توګه د شیطان‌پرستۍ په ګډون خپلې عقیدې ته پراختیا ورکړه.

د اومانیزم (انسان‌محورۍ) د ځای نیولو هڅه

د خدای‌محورۍ او غیبي نظریو پر ځای د اومانیزم او تجربوي چلندونو ځای نیول د شیطان‌پرستۍ د ودې یو مهم لامل دی.

دا هڅه هغه وخت ممکنه شوه چې انسان‌محورۍ د انسان د غوښتنو او خوندونو په مرکزیت ټینګار وکړ. په پایله کې، شیطان‌پرستي د دې موخې د ترلاسه کولو لپاره تر ټولو اغېزمنه لاره وګرځېده.

ادامه لري…