له یوې خوا، وايي: “نارینه باید خپلې سترګې کنټرول کړي” او “ګناه ونه کړي”، مګر له بلې خوا، دوی پخپله حجاب نه ساتي، او “دا ګناه دوی ته هیڅ ګناه نه حسابیږي.” دا لکه د هغه چا مثال دی چې: خپل سره زر په سړک پریږدي او وایي چې خلک دې حلال وخوري او غلا دې نه کوي، که د خلکو د حلال خوړلو په اړه اندیښمن یاست نو ولې خپل سره زر خوندي ځای ته نه وړئ؟ که څه هم هر څوک خپل د ښه او بدو کارو سزا ویني، او دا توجیه خدای ته د منلو وړ نه ده، د دې لپاره چې څوک ووایي چې فلان دغه ګناه کوي، نو زه یې هم کوم، مګر د هغو ښځو دا خبرې چې د حجاب مخالفت کوي یو څه عجیبه ده چې زه هر څه چې زړه مې غواړي هغه کوم، خو خلګ نباید خپل د زړه مطابق کار وکړي. زما خویندو، د خدای دین اختیاري نه دی(چې یو کار پکي کوي او یو نه کوې) او تاسو باید ټول اوامر ومنئ، له بده مرغه کله چې تاسو د حجاب لپاره عذرونه او بهانې کوئ، تاسو د ضعیف الایمانو خلکو لپاره هم لاره پرانیزی.
د ښځو حجاب کوم ستونزې ته هواروي؟
کافران وايي چې ښځې دې حجاب نه اغوندي! ولې باید دوی محدود شي، ولې باید دوی د دوبي په ګرمۍ کې دومره جامې واغوندي، ولې د ښځې او نر تر منځ دومره تبعیض شته، ولې باید ښځه قرباني شي، چې نارینه ورته ونه ګوري؟ د دوی د دغه خبرو د څېړنو لپاره ګومان کوو چې په اسلام کې داسې کوم حکم نشته او ښځې ازادې دي چې څنګه يې زړه وغواړي جامې واغوندي. په کوڅه کې بې پرتوګ له لنډ او نازک کميس او د لوړو بوټانو سره وګرځي، او ويښتان یې صاف کړي وي او هوا ته یې وسپاري چې دې خوا ها خوا ته یې اړوي، او اورجینال عطر وکاروي او په کوڅو او سړکانو کې په ناز او خندا سره وګرځي.
دا هغه څه دي چې د حجاب مخالفین یې د ترلاسه کولو هڅه کوي زه فکر نه کوم چې مخالفین نور څه وغواړي!!! اوس راځو دې پوښتنې ته چې پورته ذکر شوې ازادي د ښځو په ګټه ده که د نارینه وو په ګټه؟ ستاسو په اند ایا دا هغه سړي نه دي چې له دې ټولو وړیا نعمتونو او بې حده ښکلا څخه خوند اخلي؟ د ښځو لپاره د ذکر شوي توکو ګټې څه دي؟ هو، د دوی به ګرمي نه کیږي او دوی به احساس نه کوي چې پر دوی ظلم کیږي او دوی کولی شي په آزاده توګه وګرځي، مګر د نارینه وو په اړه څه؟ ایا تاسو پوهیږئ چې دا هغه څه دي چې د شهوت پرسته نارینه یې غواړي؟
له بده مرغه د ښځو د بړبند کولو کار د همدې «مشهور او نامشروع نرپالنې پالیسۍ» له مخې ترسره کیږي، ښځې یې له یوې خوا له منځه وړي او له بلې خوا یې را ژوندي کوي.
د ښځو د بدن وړاندي کول د نارینه وو د ګټو لپاره، د دوی د وږو سترګو د ګټو لپاره ترسره کیږي، او ښځې فکر کوي چې دوی خپل حق ته رسیدلي، ولې له بده مرغه په دې لوبه کې د نارینه وو د خوښې لپاره د ګټې اخیستنې په توګه کارول کیږي. او زموږ په ټولنه کې ډېرې داسې ښځې شته چې په سمه توګه حجاب نه اغوندي او دغه عمل د نرپالنې په مقابل کې بولي. هغه څوک چې د فیمینیسټ شعارونه ورکوي او له هرو دریو کلمو څخه چې دوی یې تلفظ کوي، یوه یې د مارچ اتمه ده.
خو له بده مرغه، دوی نه پوهیږي چې دوی په لویه کچه دوکه شوي دي. دوی نه پوهیږي چې د دوی بربنډتوب د شهوت پرست او بوالهوسو نارینه و د بصري او جنسي خوښۍ وسیله ګرځیدلې ده. زه ښه پوهیږم چې ځینې ښځې څومره د “پاملرنې” سره مینه لري، دوی د ټولنې د خلکو لخوا په پام کې نیولو سره خوند اخلي، مګر په کوم قیمت؟ کله چې د دوی عزت تر پښو لاندي شي، نو به دا څه ارزښت ولري. زه نه غواړم یوه خور دا فکر وکړي چې دا جملې د نارینه وو له دیده لیکل شوي، زه ستاسو د وقار او عزت لپاره دا لیکنه کوم؟ تر کله غواړی چې د خلکو پاملرنه د خدای پر پاملرنې غوره کړی؟ زه د کافرو ښځو سره هیڅ کار نه لرم، دوی زما خدای نه مني چې زما د خدای خبرې ومني، مګر زما خبري د مسلمانو او مومنو ښځو سره ده؟
آیا سبا کولای شی د رسول الله صلی الله علیه وسلم مخې ته او د هغه د مېرمنو په حضور کې کوچنۍ دفاع له ځانه وکړی؟ فکر وکړه چې په همغه بڼه چې ځوانان ځان ته جذب کوی، رسول الله صلی الله علیه وسلم ته مو بوځي او د حضرت خدیجې ته مو بوځي او پوښتنه در څخه وکړي چې ته ولې داسې یې؟ ایا تاسو واقعیا کوم توجیه لرئ؟ آیا د پام رااړول په هر قیمت د الله او د هغه د رسول صلی الله علیه وسلم تایید دی؟ ايا همدا د اسلام په نوم د يوه امت لپاره ښه حالت دی؟ تاسو خپل وظيفه تر سره کړئ او خپلو دوستانو او خويندو ته دغه نصیحت ورکړئ، يقيناً هغه ستر بدلون چې موږ يې غواړو، ان شاالله تر لاسه کېږي. زه د ښځو له مشروع حق څخه انکار نه کوم او نه څوک ترې انکار کولی شي، دوی باید بې عزته نه شي، دوی باید کم نه وګڼل شي، دوی باید د هر چا لخوا ونه ځورول شي، او زه واقعا دا منم چې ډیری بې انصافه نارینه شته، له بده مرغه، دښمنان له دې تشو څخه ګټه اخلي او د دې ستونزو په څرګندولو سره د مظلومو ښځو د احساساتو په راپارولو سره د هر ډول زهرجنو افکارو څخه کار اخلي او د الله سبحانه وتعالی له امر سره دښمني ته هڅوي. په عموم کې، دوی د ښځو له احساساتو څخه په کلکه ناوړه ګټه پورته کوي، چې بې حجابه نجونو ته “ماشاءالله” وايي، خو دوی یوازې د څو ورځو د خوښۍ او عیش او نوش لپاره پکار دي، او خدای شاهد دی چې د واده به وخت کې دوی د حجابدارو ښځو پسې ګرځي!!!
څومره خواشینی کیږم کله چې ځوانې نجونې وینم چې خطاایستله شوي دي، او هغه نارینه چې دوی ته په فریبناکو الفاظو سره تېر باسي او د هغه څخه ناوړه ګټه پورته کوي او دا فکر نه کوي چې دا ښځه به په څو کلونو کې د یو سړي ښځه شي، مور به شي. زه ډاډه یم چې که هماغه نجلۍ عقلي بلوغ ته ورسېږي، هېڅکله به د ناوړه ګټې اخیستنې اجازه ورنه کړي، خو اوس نه پوهېږي، نه پوهېږي چې د تشو شعارونو سره د غره په څنډه ولاړه ده. هغه نه پوهیږي چې دوی د هغې او د هغې ابدي وقار سره څه کول غواړي.
هغه معصومه نجلۍ په غرور سره خپل بدن ښکاره کوي ځکه احساس کوي چې لو شوې ده او خلک ورته پام کوي، په دې نه پوهېږي چې تر اوسه یې د زمانې ګرمۍ ژورې او هوارې نه دي لیدلي او نه پوهېږي چې د دغو ښایستو خبرو(لکه: ستا سره مینه لرم، ستا قربان شم او…) تر شا کومو غټ لیوان پټ دي.
دښځو دحقوقو دملاتړ په موخه روښانفکره ښځو حتی د مهربان خالق له خبرو څخه هم شا اړولې ده، سره له دې چې ددوي دغه چلند د مسايلو په اړه د دوی د ناسمې پوهاوی ته ورګرځي او د اسلام سپيڅلي دين هيڅکله د ښځو حقوق تر پښو نه دی لاندې کړي. موږ تر اوسه په دې برخه کې ډېرو شکونو ته ځواب ورکړي او دا مو په ډاګه کړې دي چې اسلام مخالفين په اشتباه کې دي. خو هغه څه چې تاسو ته په دې يادښت کې وړاندې کېږي، په چلند کې يو عجيب تناقض او یوه مهمه پایله ده. هیڅ ښځه زنا نه خوښوي، دا په بشپړ ډول طبیعي ده او د مسلمان یا کافر سره هیڅ تړاو نلري، که چیرې یوه ښځه (د هر مذهب) په یو ځای کې ناسته وي او یو سړی راشي او هغه په غیږ کې ونیسي، هغه چیغې کوي او هغه لرې کوي. حتی که سړی یې لیدلی وي، او ښځه پخپله اجازه ور نه کړي، هغه بیا هم دا سرغړونه ګڼي او غبرګون څرګندوي. په لنډه توګه، دا یوازې په دې شرط چې هغه په بشپړ ډول موافق وي. ځینې میرمنې چې د روښانتیا ادعا کوي وایي چې ښځې باید حجاب ونلري، دوی باید هغه جامې واغوندي، چې زړه یې غواړي. مګر له بده مرغه دوی پدې نه پوهیږي چې د حجاب په نه اغوستلو او د خپل بدن په ښودلو سره یې د هر ډول فحشاء لپاره لاره پرانیزي!
کله چې یوه بې حجابه ښځه د یو څو نارینه وو بغل څخه تیریږي، هغوی یې ټول بدن ته یو واري ګوري، او د هغې په اړه د جنسي کارونې په اړه تصورات پیل کوي. ایا د دې معنی دا ده چې ښځې دا خوښوي چې خپل ښکلا کوم سړي اختیار کې کښېږدي؟ زه داسې فکر نه کوم، ایا دا جنسي تیري نه ښکاري؟ یوه ښځه کیدای شي ووایي چې دا توپیر لري، موږ په فزیکي توګه نه ځوریږو، موږ وایو، نو تاسو ولې په تلیفون کې د کوم سړي سره خبرې کولو ته چمتو نه یاست؟ په تلیفون کې کومه ستونزه نشته … نو دا جلا خبره ده. بحث د “ښځو د وقار” په اړه ده. کله چې اسلام وايي چې ښځې باید حجاب واغوندي، دا د دوی د عزت په اړه فکر کوي چې د حجاب پرته یوه ښځه به د ډیرو کسانو لخوا تعقیب شي، مګر تاسو ووایست چې څو کسان به یې د عزت لپاره غواړي؟ دا څرګنده ده چې هرڅوک هغه د هغې د بدن او ښکلا له امله غوره کوي، مګر هغه ښځه چې ځان ته درناوی لري دا کټګوري په چټکۍ سره پیژني او هغه نارینه وو ته ارزښت نه ورکوي. نو د ټولنې ښځې باید په دې پوه شي چې اسلام د حجاب په حکم سره ستاسو د عزت پیاوړی کول غواړي، اسلام غواړي چې تاسو عزتمن اوسئ.
د ځان درناوي کټګورۍ زموږ ټولو لپاره مهمه ده، او فکر مه کوئ چې دا یوازې د ښځو په حجاب پورې اړه لري! یوه ورځ زما یوه ملګري په ټلفن کې ماته د ډوډۍ لپاره بلنه ورکړه، ما ومنله، مخکې له دې چې ټلفن کاټ کړم، هغه وویل: خپلې لپ ټاپ هېر نه کړې، زه غواړم چې زما لپاره یو څه وکړئ! ښکاره خبره وه چې هغه زه د خپل شخصي کار لپاره خپل کور ته راوستم، نه د مینې او شفقت له مخې! دا ډول چلند د انسان په زړه کې ډیر دروند والی کوي، او هره باعزته ښځه چې زموږ په ټولنه کې ژوند کوي خپه کیږي که چیرې پوه شي چې هغه د ځان لپاره نه غواړي، حجاب د دې ځان عزت اصلي ملاتړی دی. په یوه تکراري جمله کې ځینې ښځې وايي: نارینه باید موږ ته ونه ګوري او موږ تعقیب نه کړي او سترګې دې وتړي … چې موږ ورته وایو چې نارینه په طبیعي ډول د ښځو غوښتنه کوي او ښځې هم د فطري لحاظه غوښتني لري. یوه نجلۍ تمه لري چې یو هلک راشي او هغې ته وړاندیز وکړي، او یو هلک که چیرې نجلۍ وګوري او هغه خوښه کړي، په طبیعي توګه دا احساس پیدا کوي چې هغه لاړ شي او هغې ته وړاندیز وکړي. د نړۍ په اکثرو هیوادونو کې هم همدا حال دی او نارینه هڅه کوي چې ښځې تر لاسه کړي… که ښځي د قانون له مخې چلند وکړي. هغه قانون چې خدای د هغه لپاره جوړ کړی دی، هغه ته به درناوی وشي، او په یو ښه توګه باید د نر کور ته لاړ شي، نه دا چې د هغه احساساتو ته پام ونه شي او هغه د نورو شیانو لپاره غوره شي چې حجاب د ارزښت وړ ښځو لپاره د سرو زرو تاج دی، حجاب د ټولو ښځو لپاره د خدای ډالۍ ده.
د حجاب په وړاندې د بعضو ښځو د استدلال: زما یو همکار په شرکت کې غلا وکړه، نو زه هم په شرکت کې غلا کوم، زما خاوند ماته خیانت وکړ، نو زه هم هغه ته خیانت کوم. ايا د بل چا تېروتنه زموږ له خوا د تېروتنې “توجيه” او “اجازه” کېدای شي؟ هیڅکله نه… نو هغو ښځو ته چې اعتراضونه کوي او وايي: چې نارینه خپلې سترګې نه کنټرولوي، ولې موږ د حجاب تر بار لاندې ځو! ووایه:
د ځینو سړیو تېروتنه ستاسو د خطا توجیه نه ده، هرڅوک د خپلو اعمالو مسئول دی، تاسو نباید یوازې د “مخلوقاتو ترمنځ اړیکه” د “معیار” په توګه وګورئ، نو له خلکو سره څه مه کوه او لومړی پوه شه چې حجاب د ښځو لپاره عبادت دی لکه څنګه چې د سترګو ساتنه د نارینه وو لپاره عبادت دی. ځینې خلک وايي حجاب سخت دی؟ موږ وايو چې هغه عبادت چې ډېر سخت وي، ډېر ثواب لري… آيا بيا هم د هغه په سختۍ اعتراض کوئ؟… [[ألَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ] (سوره الحدید/16) «آیا د مؤمنانو لپاره هغه وخت نه دی راغلی چې د دوی زړونه د خدای په یاد کې اوسي، او د هغه حق په وړاندې چې خدای نازل کړی دی، دوی باید د هغو کسانو په څیر نه شی چې مخکې کتاب باندي نازل شوی، او بیا موده باندي اوږده شوه. په دوی باندې وخت تېر شو او زړونه یې سخت شول او اکثره یې فاسقان دي او (د خدای د دین له حدودو) وتلي دي.»
