پر روحي او ټولنیزو ګټو سربېره، روژه د بدن پر روغتیا هم پرېمانه مثبتې اغېزې لري. د نړۍ د بېلابېلو هېوادونو طبییان د نویو څېړنو په ترسره کولو دې پایلې ته رسېدلي دي چې روژه د انسان پر روغتیا ډېرې اغېزې لري او ډېرې ناروغۍ ورسره ښې کېږي. په قرآن او سنتو کې هم د روژې پر ارزښت او ګټو ټینګار شوی دی. الله تعالی فرمايي:
د اسلام مبین دین د بدن روغتیا ته ځانګړی اهمیت ورکړی دی او خپلو پیروانو ته یې سپارښتنه کړې چې روغتیا ته پام وکړي؛ ځکه ناروغ او کمزوری انسان بشپړ عبادت نه شي کولی او دین او دنیا ته یې هم زیان رسېږي.
امام صنعاني رحمهالله فرمايي:
«د بدن روغتیا اړینه ده؛ ځکه دین او دنیا پرې بشپړېږي او دا هم ویل شوي چې د هدایت او روغتیا کیلي لوږه ده؛ ځکه کله چې د بدن له غړو څخه د الله تعالی لپاره کار اخیستل کېږي؛ نو الله تعالی د هغه انسان زړه نوراني کوي، نفس پاکوي او بدن یې پیاوړی کوي.» همداراز، ویل شوي: «کومې ناروغۍ چې تاسې وینئ، ډېری یې په خوراک او څښاک له زیاتي څخه راپیدا شوي»، نور روژه د خوراک او څښاک په کنټرولولو د زیاترو ناروغیو د رامنځته کېدو مخه نیسي او د بدن د روغتیا لامل کېږي.
غربي پوهانو هم د روژې په اړه علمي څېړنې کړي او دې پایلې ته رسېدلي، چې روژه ډېرې ګټې لري او د بدن پر روغتیا ځانګړې اغېزې ښندي. لاندې به یې د ځینو نظرونو ته سر ورښکاره کړو:
By محمد فاتح