په حقيقت کې د اسلام د دين يوه ځانګړنه د هغه نړيوالتوب دى، چې دا خپله د الهي والي او تأییدوالي نښه ده، په حقيقت کې د اسلام سپېڅلى دين يو نړيوال فطرت دى. او د اسلام د دين د وختي او انتقالي ماهيت دغه ځانګړتيا د نړۍ په هر ګوټ کې د دغه عظيم دين د تطابق او د ژوندانه د يوې لارې د جوړولو امکان برابر کړی دی. دا مذهب له منځني ختیځ څخه تر شمالي افریقا پورې، له اروپا څخه د افریقا تر زړه پورې، له روسیې څخه تر سویل ختیځ آسیا پورې غځېدلی دی.
څرنګه چې د اسلام دین په خپلو احکامو کې د بشریت لپاره غوره حل لارې لري؛ د نړۍ په ډیرو سیمو کې د اسلام شتون د تاریخ په اوږدو کې یو ستر بدلون او د یوه نوي دور پیل دی، له همدې امله په هغو کې د مسلمانانو شتون د پام وړ دی.
ایرلنډ د ایرلنډ په جزیره کې د یو هیواد رسمي نوم دی چې پلازمینه یې ډوبلین ده ، ځینې وختونه دا هیواد د “ایرلنډ جمهوریت” په نوم یادیږي ترڅو د شمالي ایرلنډ سره یې نوم ګډوډ نشي.
د ایرلنډ جمهوریت له شمال او لویدېځ څخه د شمالي اتلانتیک بحر او له ختیځ او سویل ختیځ څخه د ایرلنډ بحر او سینټ جورج تنګۍ سره پوله لري. د ایرلنډ جزیره د انګلستان په لویدیځ کې موقعیت لري. د ایرلنډ د نړیوالو پولو اوږدوالی په شمال کې ۳۶۰ کیلومتره دی چې د شمالي ایرلنډ په سیمه کې له انګلستان سره ګډه پوله لري او د دغه هېواد د ساحلونو اوږدوالی ۱۴۴۸ کیلومتره دی.
په ایرلنډ کې د اسلام خپرېدل
اسلام په ایرلنډ کې ترټولو چټک وده کوونکی دین دی او په ایرلنډ کې د مسلمانانو شمېر چې د 2011 په سرشمېرنه کې له 48,000 څخه ډیر اټکل شوی و، تمه کیږي چې تر 2020 او وروسته به 100,000 ته ورسیږي.
د ورکړل شویو شمېرو له مخې هر کال تر ۵۰۰ زیات ایرلنډیانو اسلام منلی او د نویو مسلمانو مېرمنو شمېر تر نارینه وو ډېر دی. د ایرلنډ د مسلمانانو نفوس په ډېرېدو دی او وده کوي، او راتلونکی کال به د ایرلنډ تر ټولو لوی اسلامي کلتوري مرکز به په ډوبلین کې جوړ شي.
او دا یو زېری دی چې دا دین او د هغې ښکلي احکام به ټول هغه هیواد او خلک پوښي.
د اسلام سپېڅلی دين له دې امله چې د رب العالمین په دربار کې منل شوی دين دی؛ دا د هر دور او هرې سیمې لپاره د تطابق وړتيا لري او هيله ده چې د نړۍ د ټولو سيمو خلک په دې پوه شي او د اسلام د سپېڅلي دين د سمو لارښوونو په مطالعه کولو سره؛ بېرته خپلې مينې غېږې ته ورشي.
By محمد فاتح